شوبير يدافع عن ناصر منسي بعد اعتذاره لجماهير الزمالك: "بقينا صعبين أوي"

دافع الإعلامي أحمد شوبير عن مهاجم الفريق الأول لكرة القدم بنادي الزمالك، ناصر منسي، بعد اعتذاره لجماهير القلعة البيضاء، بسبب عدم احتفاله مع زملائه والجماهير عقب الفوز على منتخب السويس بتروجيت، مؤكدًا أن اللاعب لم يرتكب أي سلوك يستحق العقوبة أو الهجوم الجماهيري.

شوبير: ناصر منسي اعتذر لجماهير الزمالك ولم يقصد أي إساءة

وقال الإعلامي أحمد شوبير في برنامجه الإذاعي على أون سبورت إف إم: “ناصر منسي قدم اعتذارا لجمهور الزمالك بسبب عدم احتفاله مع زملائه ولا الجماهير بعد الفوز على منتخب السويس بتروجيت، وقال لهم إنه مايقصدش أي شيء، وحتى لو محتفلش، يعني الحقيقة إحنا بقينا صعبين قوي، إحنا بنحاسب الناس على النفس”. 

شوبير يكشف سبب حزن ناصر منسي بعد المباراة

وأضاف: “الولد نزل ومكنش كويس، زعلان عشان مكنش كويس، زعلان إنه 3 ماتشات بيشارك مجبش أهداف، زعلان إنه مش في الحالة الجيدة، زعلان إن الجماهير مش مبسوطة منه زي ما كانت مبسوطة منه السنة اللي فاتت وسموه الأسطورة وكانوا فرحانين بيه”. 

وتابع: "ناصر زعلان من نفسه، زعلان على نفسه، وزعلان إنه لعب فترة قليلة، لكن لا قل أدبه ولا شوّح ولا عمل حاجة، يعني أخد جنب، إيه المشكلة؟ اللي تخلي حد مركز معاه، كلنا بنزعل من حاجات، وكلنا بناخد جنب من حاجات". 

وواصل: "أصل مين مشي من الاستاد ومرضاش يقعد بعد خروجه من القائمة؟” اللاعب مش موجود في القايمة، عايز يتفرج من الاستاد يتفرج.. عايز يروح براحته، ولا أخل بالنظام ولا أي حاجة، فيقولك عقوبة ومش عارف إيه، ناصر منسي، الدنيا تتقلب عليه يا عيني، والولد يضطر يعمل اعتذار، ما هو مش حمل بقى الهجوم من الجمهور". 

اقرأ أيضًا:

مصر تكسر رقمها التاريخي في المتوسط.. وتقفز بين الـ5 العظماء بتارانتو