والد قمر ضحية المنيب بعد حبس المتهم: "النهارده قدرت أقول لبنتي حقك جه"

علق محمد صابر، والد الطفلة "قمر" ضحية الاعتداء بالمنيب، عقب صدور الحكم بحبس المتهم 18 عامًا قائلًا: "الحمد لله، حق قمر جه، وربنا يرحمها ويغفر لها ويصبرنا على فراقها.. النهارده أنا قلبي موجوع، بس جوايا إحساس إن بنتي مظلومة وربنا ما ضيعش حقها".

والد قمر ضحية المنيب بعد حبس المتهم

وأضاف: "بشكر القضاء على الحكم، وبشكر كل شخص وقف جنبنا من أول يوم، وكل حد ساندنا ودعا لقمر، إحنا كنا عايزين حق بنتنا، والحمد لله النهارده سمعنا الحكم".

وتابع الأب المكلوم: "الحكم مش هيرجع قمر، ومفيش حكم في الدنيا يقدر يرجعلي ضحكتها ولا صوتها ولا اللحظة اللي كانت بتطلب مني فيها حاجة حلوة وأنا بوعدها أجيبهالها.. بس على الأقل النهارده أقدر أقول إن حقها ما راحش".

 قمر كانت طفلة بريئة

واستكمل: "قمر كانت طفلة بريئة، ما أذتش حد، وكانت نفسها تعيش وتكبر وتفرح وتبقى زي كل الأطفال.. لكن حياتها انتهت وهي لسه في عمر سبع سنين، أنا مش هنسى بنتي طول عمري، وهفضل فاكر ضحكتها وكلامها وكل لحظة بيني وبينها".

واختتم والد قمر: "الحمد لله على كل شيء.. ربنا يرحم بنتي ويجعلها من أهل الجنة، ويصبر أمها وأخواتها، وربنا ما يكتبش على أب ولا أم يشوفوا اللي إحنا شفناه. شكرًا للقضاء، وشكرًا لكل حد وقف معانا.. قمر عمرها ما هتكون مجرد قضية، قمر هتفضل بنتي وقطعة من قلبي طول العمر".

وكانت محكمة الطفل بأكتوبر قد قررت بسجن المتهم بإنهاء حياة الطفلة “قمر”، 15 سنة وذلك عن جناية القتل العمد المقترنه بهتك العرض بالقوة والمرتبطة بجنحة السلاح الأبيض، وحبس 3 سنوات عن جنحة السرقه من المسكن.

اقرأ أيضًا:

هتك عرضها وقتلها.. السجن 18 عاما للمتهم بإنهاء حياة طفلة المنيب