“حاجات مش باينة للناس”.. وائل جمعة يكشف كواليس اختيار تشكيل الأهلي

تحدث وائل جمعة مدير الكرة بالنادي الأهلي، عن فوز فريقه أمام أبو قير للأسمدة، مؤكدًا أن الفريق حقق الهدف الذي وضعه مع بداية منافسات الدوري، بجمع أكبر عدد ممكن من النقاط خلال الجولات الأولى.

وقال وائل جمعة عقب المباراة: «الحمد لله على الفوز وتحقيق الهدف اللي بدأنا بيه الدوري، إننا نحقق أكبر قدر من النقاط بعد مرور خمس جولات».

وائل جمعة: ظروف صعبة لا يعرفها أحد

وتطرق مدير الكرة بالأهلي إلى الظروف التي يمر بها الفريق، مشيرًا إلى وجود أمور داخلية لا تظهر للجماهير أو المتابعين.

وأوضح: «ظروف صعبة وأمور الناس اللي برا متعرفهاش، إحنا قافلين التمرين وقافلين أي حاجة تطلع، وفي حاجات مش باينة للناس».

وأضاف وائل جمعة: «في أمور كتيرة معاكسة حصلت معانا، والناس بتحكم من أحداث الموسم اللي فات».

مدير الكرة بالأهلي يرد على المطالبات بمشاركة بعض اللاعبين

وتحدث وائل جمعة عن المطالبات الجماهيرية بمشاركة بعض اللاعبين، مؤكدًا أن الجهاز الفني والإداري هو الأكثر دراية بحالة كل لاعب وجاهزيته.

وقال: «في ناس عمالة تطالب بلاعيبة تلعب، أنت مش معانا في التمرين ولا شوفت اللاعب ده حاضر ولا مش حاضر، جاهز ولا مش جاهز، ولا إيه الظروف، ولا لعب ولا ملعبش».

واختتم: «هي فترة وعدت، وفترة التوقف جاية لنا في وقت كويس، علشان اللعيبة اللي كانت بعيدة تستعد وترجع، وبإذن الله تدي فرصة لكل اللعيبة».

اقرأ أيضا:
مرموش أساسيا.. تشكيل توتنهام أمام ليفربول في كأس كاراباو