"شقة معفنة مش هاتتعوض".. أغرب إعلان عن عقار من الممكن أن تتخيله

"شقة معفنة مش هتتعوض تاني"، إعلان عقاري فريد من نوعه جرى تداوله بكثافة على مواقع التواصل الاجتماعي وأخذ بعدًا ساخرًا وأثار ضجة كبيرة.

غرابة وفكاهة

لم يمر هذا الوصف دون أن يثير اهتمام وتفاعل رواد مواقع التواصل الاجتماعي، إذ انتشر الإعلان بشكل واسع على منصة "فيسبوك"، إذ يقول البعض إن الغرابة والإبداع لم تكن في عرض الشقة فحسب، بل في الطريقة الفريدة التي اختارها صاحب الحساب لجذب المهتمين بشراء العقارات خلال الصفحات التي تضج بمئات بالإعلانات والعروض.

تفاصيل متنوعة

أضاف الإعلان تفاصيل متنوعة عن الشقة، بين مميزاتها وعيوبها، مما أثار ردود فعل متنوعة وسخرية وتساؤلات من قبل رواد الموقع، إذ تبين لاحقًا أن الإعلان كان حقيقيًا بعدما قام صاحب المنشور بالرد على التعليقات، مؤكدًا بذلك عنوان الشقة ومساحتها وسعر البيع المعروض لها.

نص الإعلان

وعن مميزات الشقة وعيوبها، دون صاحب العقار منشوره قائلًا، " شقة معفنة مش هتتعوض تاني، هيطلع واحد متدلع ويقولي ليه يعني مش هتتعوض ويعمل مسسسسم ببوقه، عشان مساحة حلوة وتوضيب كويس ومكان مميز ياغلس إركح شوية بقا وانشف شوية و سيبني أكمل ".
أضاف مالك الشقة في منشوره، " 130 متر بجد، تتمتع بمزايا مش هتتكرر وعيوب برضو، ايوة زى ما قريت كدا بالظبط مزايا وعيوب ".

مميزات الشقة

وعن المميزات قال، "الشقة للبيع ف مكان مميز جدا أمام جامع وفرع كارفور ريل خطوتين، شارع هادي، وبلوك محترم، الدور التاني منك للشارع مش محتاج اسانسير".

وتابع، "وبعدين أمان افرض الولية حبت ترمي نفسها من عمايلك المهببة هتنزل صاحية وتطلعلك تاني تقولك ايه الهزار الماسخ دا، الشقة متوضبة عالمفتاح، ثلاث غرف و2 ريسبشن ومطبخ مساحة غرفه لي واحده وحمام كبير فيها شباك في كل الغرف على الشارع، فيها باب حديد عالشق ، ماية حلوة 24 ساعة، وعداد كهرباء إلكتروني بدفع عوايد يعني مبالغ بسيط كل سنة".

عيوب الشقة

وأشار مالك العقار إلى عيوب الشقة قائلًأ، "العيوب بقا ويعتبر العيب الوحيد، البلوك واخد  ناصية في شقه علي شارع واسع و على شارع ضيق شوية وتبص علي المساجد و دي أجمل حاجه ومن حظك المهبب أن شقتك دي هتبص عالحارة، بس للأمانة الشقة بحري فيها شوية هوا الحارة دي والله مش موجودين عالعمومي ربك بيعوض يعني".

وصف غير تقليدي

بعد الإعلان عن الشقة ووصفها بشكل غير تقليدي، لم يتأخر المتابعون في التعبير عن آرائهم بشكل كوميدي وساخر، حيث تلقى المنشور تعليقات ساخرة تنوَّعت بين الانتقاد الطريف والتعبير عن الدهشة.
لم تقتصر هذه التعليقات على التسلية فحسب، بل أثارت فضول الزوار لمعرفة المزيد عن شكل الشقة الداخلي والسعر المعروض مقابل العيوب التي تم الإشارة إليها من قبل كاتب المنشور.

تعليقات المتابعين

دون المتابعون تعليقاتهم الساخرة على الإعلان، وكتب حساب باسم خلود علاء تعليقًا، " مفيش صوره أعفن من كده تبقى أوضح شوية".

وكتب مجدي الخولي، " بكام يامنيل على عينك".

ودون حساب أخر تعليقًا، " لما تيع بيت خالك اللي واكل ورث أمك".