طفلة تسأل: "ينفع أهنئ أصحابي المسيحيين بأعيادهم؟".. وعلي جمعة يرد

أجاب مفتي الديار المصرية السابق، الدكتور علي جمعة، على سؤال طفلة حول “هل ينفع أهنئ أصحابي المسيحيين بأعيادهم؟”.

وأوضح مفتي الديار المصرية السابق، خلال حلقة برنامج "نور الدين"، على قنوات الشركة المتحدة، اليوم الثلاثاء: "أيوة عادى ينفع، بس إنتى مش واخدة لبالك من السؤال، يعني كأن في حد مفهمكم إنه مش عادي، وإنك هتأخدي ثواب لما تنشري الكراهية".

وتابع: “والله يا أولاد، الدنيا كلها لازم تكون حب فى حب، بدون كراهية، وعندنا المصريين لما اتشبعوا بالإسلام، فعملوا أمثلة، قالوا له تنفخ ليه يا برص، قال علشان الناس تكرهني طيب هو في حد بيحبك، فلازم نفهم إن شيوع الحب والتهنئة والمجاملات تعلي من قدرنا، فالكراهية تنقص من قدرنا”.

وواصل "في حد عاوز يعمل صدام وفتنة، ده إحنا جيران من 1500 سنة، وعاوزين مفهوم الكراهية ده يتعدل ويبعد عن البدعة".

وأجاب مفتي الديار المصرية الأسبق، على سؤال سيدة حول هل اللجوء للطبيب لتحديد نوع الجنين ذكرا أو أنثى حلال؟.

وقال الدكتور علي جمعة، خلال حلقة برنامج "نور الدين"، المذاع على قنوات الشركة المتحدة، اليوم الأحد: "تحديد نوع الجنين حلال، لأنه كان قديما يتم بصورة ليس 100%، عن طريق يقولوا للسيدة تناولى طعام معين أو في وقت معين يحصل حمل في ولد".

وتابع: "اللي بيحصل دلوقتي بكون بطريقة طبية بيعزلوا الحيوانات المنوية اللي بتودي إلى نوع معين، وبعد كده إرادة ربنا فوق كل شيئ، وممكن بعد كل ده يجي النوع عكس ما كنت ترتب له".

برنامج نور الدين

يعرض برنامج نور الدين، على قنوات الشركة المتحدة، ويفتح حوارًا مع الأطفال والكبار حول تساؤلاتهم حول الدين والله عز وجل، إضافة إلى المشكلات الحياتية التى تواجه عباد الله وكيفية التغلب عليها، ويرد على أسئلة للمرة الأولى علي لسان أطفال صغار.