سيف زاهر: الحساب بعد 48 ساعة.. ومباراة جنوب السودان أهم من أزمة الشناوي

منتخب مصر

A . .A

أكد الإعلامي سيف زاهر أن منتخب مصر يحتاج إلى التركيز الكامل في مباراته المقبلة أمام جنوب السودان، مشددًا على ضرورة تأجيل تقييم الجهاز الفني واللاعبين إلى ما بعد تجاوز هذه المرحلة، في ظل الجدل الدائر حول عدد من الملفات داخل المنتخب.

موعد مباراة مصر وجنوب السودان

ووصلت منذ قليل بعثة منتخب مصر الأول لكرة القدم، بقيادة التوأم حسام وإبراهيم حسن، إلى جوبا، عاصمة جنوب السودان، استعدادا لمواجهة منتخب جنوب السودان، يوم الثلاثاء المقبل، في الجولة الثانية من التصفيات المؤهلة لنهائيات كأس الأمم الأفريقية 2027.

سيف زاهر: مباراة جنوب السودان أهم من أزمة الشناوي

وقال سيف زاهر عبر قناة "أون سبورت": "إحنا عندنا ماتش مهم قدام جنوب السودان، لو خسرنا أو اتعادلنا هتبقى مشكلة كبيرة".

وأضاف: "الناس عايزة تحاسب حسام دلوقتي، وتدخل شوبير في الشناوي، والشناوي في شوبير، ومع إبراهيم وكل القصة دي".

زاهر: الإعلام مدارس

وتابع: "الإعلام مدارس، والواحد دايمًا عنده وجهة نظر، والصالح العام للمنتخب ولمصر هو الأهم".

وأوضح: "اتكلموا بعد الماتش وسيبوا الحساب متأجل لحد لما نعدي المرحلة دي، نخلي الحساب وإحنا كسبانين وإحنا متصدرين المجموعة، مش دلوقتي".

وتطرق سيف زاهر إلى موقف هاني أبو ريدة، قائلًا: "وهاني أبو ريدة أنا معرفش هو بيدور على مدرب جديد ولا لأ، وده مش وقته".

هاني أبو ريدة زعلان من اللي حصل

وأضاف: "هاني أبو ريدة زعلان من اللي حصل، والمهندس هاني أبو ريدة طبيعي يكون زعلان، ومقدرش أطلع دلوقتي أقول إن العلاقات جيدة زي قبل كده".

وعن الجدل بين محمد الشناوي ومصطفى شوبير، قال: "قصة الشناوي وشوبير ملهاش أزمة".

وأكمل: "الناس دخلت ماتش الأهلي والزمالك في الموضوع، ومين هيقف ومين هيشارك، والشناوي هيروح معسكر مصر الجاي ولا لأ، وكل القصص دي والمنتخب عنده ماتش مهم".

واختتم: "كله متسجل، والحساب متأجل 48 ساعة، واللي عايز يتكلم يتكلم".