طارق فؤاد عن خلافه مع هاني شاكر: تجاهلني في فترة مرضي

كشف الملحن والمطرب طارق فؤاد عن سبب خلافه مع الفنان هاني شاكر، وعن مساعدة الفنان تامر حسني له أثناء مرضه.

وقال فؤاد، خلال استضافته مع الإعلامية بسمة وهبة ببرنامج "العرافة"، والذي يعرض عبر قناتي "المحور" و"النهار" عقب أذان المغرب مباشرة: "كلمته وتواصلت معاه مرتين، وقلت له عشان خاطري ممكن تكلم الوزير، لأن عاوز أتعالج على حساب الدولة، فرد قالي حاضر ولكن مكلمش حد".

وتابع: “معملش اللي طلبته منه وقت مرضي، ودا زعلني أوي، ورحت للمجالس القومية وعملوا ليا علاج على نفقة الدولة بقيمة 7 آلاف جنيه، فرفضت طبعا، وزعلت من هاني، ودا لأنه لو كان بس رفع التليفون وكلم وزير الصحة كنت ممكن أسافر واتعالج بره، وأشفى من المرض”.

وأكمل: "ولكن ربنا وقف لي الفنان  تامر حسني، وكمان الفنان أحمد بدير، ووقفوا معايا وجنبي عشان أعرف أسافر فرنسا وأمريكا، وكل دي أسباب مش مؤكدة، لكن لما رب العالمين سبحانه يأمر بالابتلاء كمان بيأمر بالشفاء، والحمد لله على كل حال".