حسام غالي: حسام حسن أصبح غير مرغوب فيه.. ولا يقصد التقليل من الشناوي

تحدث حسام غالي عن أزمة تصريحات حسام حسن الأخيرة بشأن محمد الشناوي، مؤكدًا أن المدير الفني لمنتخب مصر لم يقصد التقليل من حارس مرمى الأهلي.

وقال حسام غالي عبر قناة أون سبورت: «حسام حسن مقصدش يقلل من الشناوي في تصريحه قبل مباراة أنجولا، وكلنا بنعاتبه على التصريحات دي».

وأضاف: «إنجازات حسام حسن مع المنتخب والوصول للمكانة دي في كأس العالم تشفع له، وفي ناس استغلت الموضوع وطلعت كل اللي محوشاه من قبل كأس العالم».

وتابع: «فجأة اتنسى كل اللي عمله وكل اللي حصل لمنتخب مصر في كأس العالم علشان كلمة في جملة في تصريح قاله، وأنا واثق إنه ميقصدهاش».

وأردف حسام غالي: «أنا حزين على المشهد كله وبشفق على كابتن حسام حسن، لأنه مضغوط بشكل رهيب وعليه حملة رهيبة وناس عمالة تصفي حسابات».

واختتم: «واضح إنه مبقاش مرغوب فيه، وفي ناس هتقفله على الوحدة الفترة الجاية، وعلشان كده نصيحتي لازم كابتن حسام حسن يتعامل بذكاء في الأحاديث الصحفية، وميخليش حد يمسك عليه حاجة ويفتح عليه جبهات كتيرة في وقت واحد».

اقرأ أيضًا..

وزارة الرياضة: جوهر نبيل يتابع أزمات منتخب مصر.. وسيتواصل مع صلاح

الشرطة الإيطالية تطارده.. رئيس اتحاد الكيك بوكسينج يحذر محمد عبدالفتاح وأهله

من أهم لاعبي العالم.. حسام حسن يحسم جدل تبديل محمد صلاح