مسلم عن ملابسه الغريبة: "بشتري بـ200 ألف جنيه في الشهر"

كشف مطرب المهرجانات مسلم عن موقف سيء جمعه بالمنتج أحمد السبكي، كما تحدث عن سر حبه الكبير لشراء الملابس.

وقال مسلم، خلال استضافته ببرنامج "أسرار" مع الإعلامية أميرة بدر المذاع على قناة النهار: “كنت صغير ونزلت القاهرة رحت للسبكي، دخلت سلمت ورفض السلام عليا، وبصلي من فوق لتحت وقالي يالا يبني على إسكندرية مبنساعدش حد هنا”.

عمري ما هنسى موقف السبكي

وتابع: "مشيت من الدقي لصلاح سالم بعيط ومنهار، لكن بشكره دلوقتي لأنه إداني طاقة وغل للشغل، ووصلت للي بحلم بيه بس عمري ما أنسى الموقف ده، وطلب أشتغل معاه في حاجة ورفضت، وابنه كريم صاحبي وعندي أغنية في فيلم شقو، وفيه دور جايلي وفيه نجوم كبيرة زي ماجد الكدواني وعمرو عبد الجليل".

مدمن لبس

وعبّر  مسلم عن حبه للملابس الغريبة والمثيرة للجدل، قائلاً: "كان نفسي في حاجات قبل الشهرة، وبقيت مدمن لبس و24 ساعة في زارا، وروحي فيه، وفي حاجات بجيبها من بره، وزارا بجيب منه لبس أجمد من جوتشي وديور، وأنا بعشق اللبس، وبشتري بـ200 ألف في الشهر لبس".

“يوم الخطوبة لبست شيفون”

وختم مسلم بالقول: “يوم الخطوبة لبست شيفون علشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية، وبحب الموضة”.