جاء من الإسكندرية لإنقاذ طفله فسُرق بالمسجد.. مأساة أب بشبرا الخيمة تتحول لنداء إنساني

مأساة إنسانية بكل ما تحمله الكلمة من معنى، وثقها مقطع فيديو متداول عبر مواقع التواصل الاجتماعي، بطلها أب بسيط قطع مئات الكيلومترات من الإسكندرية إلى شبرا الخيمة، أملًا في إنقاذ حياة فلذة كبده، ليجد نفسه ضحية سرقة داخل بيت من بيوت الله.

ناشر الفيديو يروي الكارثة: "جاي يعمل عملية قلب لابنه"

وقال ناشر الفيديو في استغاثة مؤثرة: "واحد غلبان جاي من إسكندرية لشبرا الخيمة عشان يعمل عملية قلب مفتوح لابنه اللي عمره سنة و 9 شهور.. واللي حصل معاه يوجع القلب!".

وأضاف: "الراجل وصل من الفجر، وميعاد عملية ابنه في مستشفى الناس الساعة 9 الصبح، فدخل المسجد اللي قدام كافيه الجزيرة عشان يرتاح شوية من تعب السفر والسهر جنب ابنه".

السرقة داخل المسجد.. نام فسرقوا هاتفه

وتابع ناشر الفيديو: “وهو نايم في المسجد، اتسرق منه الموبايل.. الواقعة ليست مجرد سرقة هاتف”، موضحا: "الموضوع مش مجرد موبايل اتسرق.. الراجل دلوقتي في كرب حقيقي، مش عارف يتواصل مع الناس اللي بتتبرع بالدم لابنه، ولا عارف يطمن أهله في إسكندرية، ولا قادر يتابع إجراءات عملية ابنه الصغير اللي بين الحياة والموت".

كاميرات المراقبة ترصد المتهم

وأكمل ناشر الفيديو: “أولاد الحلال في المنطقة لم يتركوا الرجل وحيدا، وحاولوا مساعدته وتتبعوا تحركات الشخص المشتبه فيه عبر كاميرات المراقبة، وقدروا يوصلوا لشكل واضح ليه”.

واختتم رسالته بنداء إنساني: "لو حد يعرفه، يا ريت يكلمه ويقوله رجّع الموبايل لله، الراجل مش ناقص وجع فوق وجعه، عنده طفل سنة و 9 شهور داخل يعمل قلب مفتوح في المستشفى".