صاحب بيت مؤتمرات يستغيث من أسقف: اشترى مزرعتي ورفض يكمل باقي الفلوس

استغاث شخص يدعى صلاح مهني، من أسقف كنيسة بعد رفضه دفع باقي مبلغ شراء بيت مؤتمرات بطريق مصر إسكندرية الصحراوي.

بنيت فندق صغير يشيل 150 فرد

وقال صلاح مهني في تصريح لـ"تليجراف مصر"، إنه أقام بناء بيت مؤتمرات عبارة فندق صغير على مساحة 5 أفدنة بطريق مصر إسكندرية الصحراوي يضم 18 غرفة وحمام سباحة وقاعة وملاعب، كان يستقبل الكشافة والكنائس والمدارس، ويتسع لـ150 فرد، إلا أنه اضطر لبيع المكان بسبب أنه بلغ عمر الـ61، وليس لديه أبناء لترعى المكان بدلًا منه، وابنتيه إحداهما متزوجة.

"يساوي 30 مليون وبعته بـ20 عشان بيخدمني"

وأضاف مهني: "المكان يساوي 30 مليون، بس أسقف الكنيسة قال إنت بتخدمني وأنت راجل كويس ومراتك ست كويسة وهتخدم معانا وهسيب لك أوضة، واتفقنا إننا نبيعه بـ20 مليون، وبعد كده قال لي هنعمل عقدين عقد خالص الثمن عشان أمشي في الإجراءات وأوضب، وعقد ثاني عقد اتفاق تضمن فيه حقك ويكتب فيه إني حصلت على 10 مليون جنيه وقت تحرير العقد، و5 مليون في شهر 10، و5 مليون في شهر 4، وبالفعل دفع الـ10 ودفع الـ5".

"أنا واخد الأرض بزيادة"

وأضاف: "جه في شهر 4 قال لي لا أنا واخد الأرض بزيادة وحصلت مشاكل، وعرضت عليه ياخد الفلوس اللي دفعها وعليها فائدة البنك ويرجع لي الأرض، إلا أنه نشر كلام بين الناس إني طمعان في الأرض، وأنا قولتله أنا مش طمعان في الأرض، يا تديني فلوسي يا تاخد فلوسك، ووقفت القصة على كده، وهو لا عايز يدفع الفلوس ولا يرجع الأرض، وقال لي اخبط دماغك في الحيط".

واختتم صلاح حديثه باللجوء للجهات الكنسية والقضائية قائلًا: “عملت شكوتين للبابا، وعملت شكوى للمجمع المقدس، وبعد كده رفعت قضية في كوم حمادة اللي هي تبع وادي النطرون”.

اقرأ أيضًا: 

التبرع بكليته مقابل إيصالات أمانة بـ4 ملايين جنيه.. بلاغ يتهم كاهن كنيسة بابتزاز سيدة وزوجها