حسام حبيب: عمري ما مشيت كلامي على شيرين.. وما زلنا أصدقاء

كشف الفنان حسام حبيب، تفاصيل علاقته مع طليقته الفنانة شيرين عبد الوهاب، وذلك خلال لقائه في برنامج “ع المسرح” للإعلامية منى عبد الوهاب.

علاقة تشبه الدم

وقال حسام حبيب: عندي صراعات مع نفسي، و عندي الخوف من الحب، وكنت بدور على علاقة تشبه علاقة الدم، ودي مش حاجه حقيقة ربنا مقالش عنها، وموضوع الانفصال متواجد في العلاقات، أنا عمري ما قصدت إني أخبي أي حد في حياتي.

كيف بدأت قصة الحب؟

وتابع: ارتباطي بشيرين بدأ بصداقة، ولغاية دلوقتي أصدقاء، وبحس إن شيرين صاحبتي الولد مش البنت ودي ميزتها، وهي جدعة جدًا، ودمها خفيف جدًا، وطفلة في غضبها وحبها.

أضاف حبيب: شيرين مش بتحسب أي حاجة، ولما قولنا مفيش ارتباط مكنش فيه فعلًا، وقربنا في وقت إن إحنا الاتنين كان عندنا مشاكل، وحصل موقف بيننا وبصيت وحسيت إن الست دي تخصني، وشعوري بيها اختلف، ومشيت العلاقة بسرعة.

شخصية مستقلة

وأردف: هي أول بنى آدمة أتجوزها وأعيش معاها، ومعشتش برا بيت أهلي، وروحت على بيتي مع شيرين، ومرتبط بيها ارتباط كبير، كنا صحاب عايشين مع بعض، بحترم جدًا واحدة في وضع شيرين كانت قالت إن هي تتجوز واحد غني، وأنا وهي قريبين مع بعض في السن، وهي شخصية مستقلة، وعمرنا ما مشينا كلامنا على بعض، وهي شخص بسيط جدًا.