"رماها في صندوق زبالة".. والدة ضحية شبرا تروي تفاصيل وفاة ابنتها غدرا

المتهم والمجني عليها

A . .A

كشفت والدة الفتاة ضحية الغدر في منطقة شبرا الخيمة بمحافظة القليوبية، تفاصيل مأساوية عن وفاة ابنتها على يد خطيب صديقتها في أحد الشوارع.

والدة المجني عليها تكشف تفاصيل الواقعة

وقالت والدة المجني عليها في تصريح لـ"تليجراف مصر": "حصلت مشكلة بين صاحبتها وخطيبها، وبنتي كانت معاها بالصدفة، وحاولت تدخل بينهم وتحل المشكلة، لكنه طلع سلاح وضربها في دماغها، وحط عليها حصيرة، وسابوها الاتنين ومشيوا."

وأضافت والدة المجني عليها: “بنتي عندها 18 سنة وعروسة، وفرحها كان الشهر الجاي، ملحقتش تفرح ولا تفرش شقتها، وإحنا مش عايزين غير القصاص وحقها يرجع في أسرع وقت”.

شاهد يروي تفاصيل وفاة فتاة على يد خطيب صديقتها بشبرا

وفي وقت سابق كشف شاهد عيان تفاصيل جديدة في واقعة وفاة فتاة على يد خطيب صديقتها، في حي شبرا الخيمة بمحافظة القليوبية، موضحًا أن المجني عليها لم تكن لديها خلافات مع أحد.

لفها في حصيرة ورماها

وقال شاهد العيان في تصريحات خاصة لـ “تليجراف مصر”: هي ملهاش أي خلافات مع حد، والنهاردة الصبح صاحبتها عدت عليها وقالت لها تعالي نروح مشوار، بعدها رجعوا وهما ماشين دخلوا مدخل عمارة ووقفوا مع خطيب صاحبتها شوية يتكلموا، وبعدها أنهى حياتها بطلق ناري، ولفها في حصيرة ورماها في صندوق زبالة أمام محل شهير، لكن إحنا منعرفش إيه اللي حصل بالظبط بينهم".

وأضاف الشاهد: “مش عارف إيه الخلافات اللي بينهم، بس البنت بشكل عام مالهاش خلافات مع أي حد في المنطقة، والدليل إن صاحبتها عدت عليها والتانية نزلت معاها، بس يبدو إن صديقتها نيتها مش طيبة”.

بلاغ بالواقعة

وتلقت الأجهزة الأمنية بمديرية أمن القليوبية إخطارًا من شرطة النجدة يفيد بوفاة فتاة بدائرة قسم ثان شبرا الخيمة، فتم اتخاذ الإجراءات اللازمة حيال الواقعة.