"مش إعاقة واحدة دول 100 إعاقة".. أم تدافع عن نجلها في وجه التعليقات المسيئة

تفاجأت أم لصغير يدعى "أنس" مصاب بمتلازمة نادرة بتعليق تنمري قاس على فيديو لنجلها، مما أثار غضبها، وحالة استنكار واسعة من المستخدمين عبر “فيسبوك”.

الإعاقة مش عيب

وكتب صاحب التعليق المسيء على فيديو للطفل: "الواد ده شكله وحش عامل كده ليه ده مش إعاقة واحدة ده 100 إعاقة".

أثار التعليق غضب الأم التي ردت بحزم في منشور مطول على صاحب التعليق، مؤكدة أن الإعاقة ليست عيبًا، وأن براءة طفلها وجماله يكمن في خلق الله.

رد الأم على المسيئين في حق نجلها 

وكتبت في المنشور: "حاولت أتجاوز الكومنت بتاعك على فيديو لابني بيضحك فيه ويلعب بس مقدرتش الحقيقة أتجاوز وقاحتك في حق ابني".

وأضافت: “سواء كان إعاقة واحدة أو 100 في بعض فده مش مبرر لسوء أخلاقك وسوء تربيتك وجهلك في نفس الوقت لأن الإعاقة مش عيب تعاير بيه طفل.. يعني أنا مثلا مينفعش أعايرك بإعاقتك الفكرية ده بالنسبة لمصطلح الإعاقة اللي ذكرته”.

ربنا خلق الإنسان في احسن صورة

وتابعت: "وبالنسبه إلى إنه وحش فده مشكلة بصر وبصيرة منك ومن بشاعة قلبك شفته كدا بس هو في الحقيقة اللهم بارك جميل وسبحان من خلقه وأبدعه، أنت محتاج تكشف على نظرك يمكن يتحسن وبالنسبة لقلبك محتاج تعرف إن في رب يخلق الإنسان في أحسن صورة".

وأردفت: "وأخيرا حسبي الله ونعم الوكيل فيك وفي أي حد زيك يدي لنفسه الحق بالتطاول على أنس تحت أي مسمى وأي مبرر عشان الحيوانات أفضل وأرحم من إني أشبهكم بيها".

مشاركة حياة أنس عبر منصات التواصل

واختتمت: "وأي حد هيتطاول ويقول Fake أنا هثبت الكومنت بتاعه على الفديو اللي كتبه فيه وابقوا اسألوه بنفسكم بقى أذا كان فيك أو لا". 

وأوضحت الأم أن مشاركتها لحياة نجلها عبر منصات التواصل جاء لأسباب متعددة، لا تمنح لأحد حق التطاول عليه".

اقرأ أيضًا:

بعد سلامة قواه العقلية.. دفاع المتهم في قضية أسوان يكشف تفاصيل تخفيف الحكم من الإعدام إلى السجن 15 عامًا