شوبير: "شيكو بانزا بيعمل حاجات غريبة".. وهذا اللاعب أكبر مكاسب الزمالك

شيكو بانزا

A . .A

علق الإعلامي أحمد شوبير على خسارة الزمالك أمام فريق وادي دجلة مساء أمس الإثنين بهدف دون رد، في المباراة التي جمعتهما، ضمن منافسات الجولة الثانية، من بطولة كأس عاصمة مصر.

شوبير: عمر عبدالعزيز أكبر مكاسب الزمالك.. و"بانزا بيعمل حاجات غريبة"

وأشاد شوبير، خلال تصريحات عبر إذاعة "أون سبورت" بحارس الزمالك الشاب، عمر عبدالعزيز، بعد أن خاص المباراة بشكل أساسي، وقدم مردودًا طيبًا.

وقال شوبير: "أكبر مكاسب الزمالك إمبارح رغم الخسارة من وادي دجلة، هو الحارس عمر عبد العزيز، عايز أقولكم إني كنت مبسوط منه، بتعاطف جدًا مع الحراس خاصة الحراس الصاعدين".

وأضاف: "عمر قدم مباراة جيدة جدًا وشال 3 أو 4 كرات بشكل كويس، عنده بس مشكلة صغيرة في العرضيات، ودي طبعا كلنا كحراس في البداية العرضيات بتبقى مشكلة المشاكل يعني، ومع الخبرات ده هيتظبط، عمر عبد العزيز كخامة حارس جيد".

وانتقد شوبير أداء الثنائي ناصر منسي وشيكو بانزا أمام وادي دجلة، قائلًا: "الحاجة اللي مكنتش جيدة إمبارح، أن الاتنين اللي الزمالك لعبهم عشان يسند عليهم، ناصر منسي وشيكو بانزا".

وتابع: "ناصر لعيب هداف، بس مكنش موفق إمبارح، والناس برضه تعذر، البُعد عن الملعب بيفرق، وده ميغيرش من فكرة إنه لاعب جيد وهداف ومهم للزمالك حتى لو مش بيلعب أساسي".

وواصل: "أما شيكو بانزا بقى فده بيعمل حاجات غريبة جدًا في الكورة، معظم الفريق مش بيلعب، فمعتمد جمال بيسند عليك، والزمالك في عرض فرصة ولا كرة خطيرة، للأسف متلاقيش، تحس إنه لاعب بمزاج وعلى حسب المود بتاعه، مكنتش عارف هدف كابتن معتمد إنه يلاعبه المباراة كاملة إيه بالظبط؟!.. أما آدم كايد بدايته مع الزمالك كانت أفضل بكتير مما يقدمه حاليًا".