كزبرة يهاجم المعترضين على تكريمه: هتكرم تاني وليه مستكترين عليّا الفرحة

كشف مؤدي المهرجانات كزبرة عن استيائه وحزنه لما يتداول عنه في الساعات الماضية، عقب انتشار بوست مهاجم له مستنكر تكريمه من الجامعة البريطانية على عمله بفيلم "الحريفة".

تعليق كزبرة

ورد الفنان كزبرة عبر صفحته الرسمية على موقع "فيسبوك" قائلا "البوست ده في ناس كتير عامله شير عليه وزعلانين إني بتكرم، ومش حابين إني اتكرم وإن في ناس أكتر مني تستحق، أولا أنا اقل خلق الله وفعلا في ناس أكتر مني بكتير تستحق، بس أنا مش عايزك تحكم عليا من بعيد أو إن أنا شخص تريند وجت معايا صدفة، لا أنا راجل اجتهدت وتعبت واتظلمت كتير اوي ومكنتش بياس وكنت حاطط ربنا طول الوقت قدام عنيا، وكنت عارف إن هيجي يوم وربنا هيفرجها وهيعوضني، والحمدلله حصل ورضي ربنا عليا كان أكتر مكنت أتوقع، وفعلا لكل مجتهد نصيب".

وأضاف "وأنا اجتهد في ليه في ناس مستكتره عليا الفرحة وطول الوقت شايفين إني شخص مستهلش أي حاجة، عامةً ربنا يسامح أي حد بيقول عليا كلمة مش صح وربنا يدي كل واحد علي قد نيته، وإن شاء الله الفترة الجاية هتكرم في كل أنحاء العالم".

وأضاف "بس نصيحة مني لكل بني آدم فاضي ومركز مع غيره أتمنى تركز مع نفسك وفي شغلك وحب الخير لغيرك وصدقني محدش هياخد رزقك بس أنت اجتهد وحب عملك وارضي بالمكتوب".

مسلسل كوبرا

ويشارك مؤدي المهرجانات كزبرة ضمن سباق مسلسلات رمضان بمسلسل "كوبرا" بجانب نخبة من نجوم الفن أبرزهم "محمد إمام، مجدى كامل، محمد ثروت، أحمد فتحي، محمود عبدالمغنى، محمود البزاوى، أحمد عبدالحميد، أيمن عزب، صفاء الطوخى، دنيا ماهر، ألحان المهدى، منة فضالى، معتز هشام، علاء مرسي، هشام إسماعيل، محسن منصور، وعدد من ضيوف الشرف، وتأليف أحمد محمود أبوزيد وإخراج أحمد شفيق".