الثلاثاء، 17 نوفمبر 2026

02:37 م

الثلاثاء، 17 نوفمبر 2026

02:37 م

علاجهما مدى الحياة.. أب يستغيث لإنقاذ نجليه المصابين بمرض نادر في العين (خاص)

حالة الأطفال

حالة الأطفال

استغاث أب يُدعى كيرلس بشرى لتوفير علاج نجليه المصابين بمرض نادر في العين، وذلك لارتفاع تكلفة العلاج وعدم تواجده داخل مصر.

التهاب العين الخشبي

وقال والد الأطفال الاثنين لـ"تليجراف مصر": “ابني الكبير اسمه كيفن اتولد طبيعي وفي الشهر السادس بدأت تظهر في عينه إفرازات كبيرة”.

وأضاف: "لفينا على الدكاترة محدش عرف يشخص حالته غير دكتور واحد بس في مصر كلها، وقالنا إن عنده التهاب العين الخشبي ونقص بلازمينوجين".

وتابع: "الدكتور قالنا حالته ملهاش علاج في مصر والعلاج موجود خارج مصر ومكلف جدا، ومش هيكون محتاج جرعة او اتنين فقط ده علاج مدى الحياة".

واستكمل: "لما أخوه الثاني اتولد لقينا عنده نفس المرض، والاثنين بيحتاجوا نفس العلاج المكلف"، موضحًا: “كل طفل بيحتاج حقنتين في الأسبوع من العلاج وتكلفة الحقنة 3000 دولار”.

WhatsApp Image 2026-11-17 at 2.02.57 PM
صورة الابن

استغاثة أب لعلاج نجليه 

واستكمل: "بقالنا سنتين بناخد علاج مؤقت وهو إننا بنسحب جرعة دم منه 40 جرام ونفصل البلازما وبتتحط في قطرات وبنقطرله كل يوم مرة بالليل ومرة الصبح، وبنعمله القطرات دي كل 6 شهور نسافر القاهرة نعملها هناك ونرجع تاني في محافظتنا قنا.

واختتم والد الأطفال حديثه قائلًا: "أقرب مكان بناخد منه البلازما بعيد عننا 150 كيلو رايح جاي، كل اللي طالبينه إن وزارة الصحة والدولة يساعدونا نوفر للأطفال العلاج".

WhatsApp Image 2026-11-17 at 1.50.32 PM

اقرأ أيضًا:

اخترق عينه ووصل شرايين المخ.. استخراج قلم رصاص من عين طفل بأسيوط

مزاح انتهى بكارثة.. صغير يفقد شبكية عينه على يد زميله داخل معهد بالدقهلية

"سلامة عيونك".. قوافل طبية للكشف على طلاب المدارس وتوزيع نظارات مجانية بـ5 محافظات

تابعونا على

search