الثلاثاء، 17 نوفمبر 2026
08:55 م
جانب من الواقعة
في تطور جديد بشأن اتهام البلوجر الشهيرة لي لي فؤاد بنشر محتوى غير أخلاقي والتعدي على القيم والمبادئ الأسرية للمجتمع المصري، كشفت التحقيقات التي أجرتها النيابة العامة معها عن تفاصيل جديدة بشأن الواقعة، ومبرراتها لطبيعة المقاطع المصورة المنشورة عبر حساباتها على مواقع التواصل الاجتماعي.
وحصلت “تليجراف مصر” على نص التحقيقات في القضية، والتي كشفت خلالها المتهمة هالة يوسف فؤاد عطا الله، وتبلغ من العمر 33 عامًا وتعمل سائقة بإحدى شركات النقل الذكي، حقيقة الاتهامات المنسوبة إليها، وتفاصيل ضبطها، وروايتها بشأن مقطع الفيديو الذي ظهرت فيه سيدة تحمل مصحفًا خلال بث مباشر لها عبر تطبيق “تيك توك”.
س: ما قولك فيما هو منسوب إليك من أنك متهمة بالتحريض على الفسق وممارسة الفجور، وذلك على النحو المبين بالأوراق؟
ج: محصلش.
س: ما قولك فيما هو منسوب إليك من أنك متهمة بإنشاء وإدارة حساب خاص على برامج تبث على الشبكة العنكبوتية، وكان ذلك بقصد ارتكاب الجرائم تالية الوصف؟
ج: محصلش.
س: ما قولك فيما هو منسوب إليك من أنك متهمة بالتعدي على القيم والمبادئ الأسرية بالمجتمع المصري، بأن قمت بنشر صور ومقاطع مرئية تتضمن محتوى غير أخلاقي بمواقع التواصل الاجتماعي، والتي تعرض للعامة بالمخالفة للفطرة السليمة والسوية وما هو متعارف عليه بالمجتمع المصري؟
ج: محصلش.
س: ما الذي حدث إذًا، وما هي ظروف ضبطك وإحضارك وعرضك علينا؟
ج: اللي حصل إن عندي أكونت على تيك توك بقول فيه وصفات طبخ بتاعتي، وبعمل صواني أكل إعلانات، ولما كنت طالعة لايف بعرض الصينية بتاعة الأكل بتاعتي، لقيت بنت نيجيرية بتشتغل عندي في البيت بتساعدني، فجابت المصحف عشان تحلفني عليه في موضوع بسبب خلاف في البيت، وأنا رفعت إيدي عشان عندي ظروف، وفجأة لقيتها راحت رمت المصحف على الأرض، وأنا رحت مصوتة وتفاجأت باللي هي عملته، وهي فضلت تتخانق في البيت، ورحت مكلمة النجدة، والنجدة جات وخلوني أقفل اللايف بتاعي، وأخدونا إحنا الاتنين على قسم الهرم وعملوا محضر ومشينا، بس مش فاكرة رقم المحضر، وأنا روحت على البيت وما شفتهاش تاني.
وإمبارح فيه ناس جات لي البيت شرطة، خبطوا على الباب وفتحت لقيت كلهم دخلوا الشقة، أخدوا موبايلاتي وساعتي وشنطتي، وسألوني فين البنت اللي كانت بتشتغل معاكي؟، وقلت لهم معرفش، وقالولي تعالي معانا على القسم، معرفش ليه، ورحت معاهم على إدارة الآداب، وفضلوا يستجوبوني على البنت دي، وأنا قلت لهم مش عندي، وفضلت عندهم لحد ما جابوني على هنا، وده كل اللي حصل.
س: متى وأين حدث ذلك؟
ج: الفيديو كان يوم الإثنين 9-11-2026 الساعة 6 مساءً تقريبًا من بيتي، واتقبض عليا امبارح 14-11-2026 الساعة 3 مساءً تقريبًا من بيتي برج الصفوة الدور الـ11 شارع أورمان أسفلت اللبيني الهرم.
س: وما هي الحالة التي كنتِ عليها حال ضبطك؟
ج: أنا كنت في البيت عادي والشرطة جات أخدتني.
س: ومن كان برفقتك آنذاك؟
ج: كنت لوحدي.
س: ومن إذًا القائم على ضبطك؟
ج: معرفهمش.
س: وهل من ثمة حوار دار فيما بينك وبين سالف الذكر؟
ج: أيوه.
س: وما هو مضمون ذلك الحوار؟
ج: سألوني فين البنت اللي كانت بتشتغل معايا وقلت لهم معرفش.
س: وهل من ثمة تفتيش انصرف إلى شخصك آنذاك؟
ج: أيوه.
س: وما الذي أسفر عنه ذلك التفتيش؟
ج: أخدوا مني الموبايلات بتاعتي الثلاثة والساعة.
س: وما هي وجهتكم عقب أن تم القبض عليك؟
ج: طلعنا على إدارة الآداب.
س: وما هي طبيعة علاقتك بالضابط "ش. س" الضابط بالإدارة العامة لحماية الآداب العامة؟
ج: أنا مش عارفاه.
س: هل من ثمة معرفة أو خلافات سابقة فيما بينك وبين سالف الذكر؟
ج: لا.
س: وما قولك فيما قرره الضابط سالف الذكر بمحضرِه؟
ج: الكلام ده محصلش، أنا اتقبض عليا من بيتي، والحاجات اللي بنزلها هي عبارة عن طبخ وحاجات عادية، وبالنسبة لموضوع المصحف هي فاجئتني في اللايف إنها بتعمل كده، البنت اللي كانت معايا.
س: وما تعليلك إذًا لما أثبته سالف الذكر بمحضرِه إذًا؟
ج: أنا مش عارفة هو بيقول كده ليه.
س: ما قولك فيما استبان لنا من فحص الهواتف المحمولة من قبل النيابة العامة والتي عرضها عليك الآن؟
ج: هي الأكونتات بتاعتي بنزل فيها فيديوهات طبخ وإعلانات صواني أكل بس، لكن مش بعمل حاجة تانية، وموضوع المصحف ده أنا ما عملتش فيه حاجة، أنا اتفاجئت إن البنت اللي بتشتغل معايا هي اللي عملت كده.
س: وما طبيعة ذلك المقطع المرئي المنوه عنه؟
ج: هو فيديو وأنا طالعة لايف على تيك توك وبعرض وصفات طبخ بتاعتي وبعمل صواني أكل إعلانات، ولما كنت طالعة لايف بعرض الصينية بتاعة الأكل بتاعتي، لقيت بنت نيجيرية بتشتغل عندي في البيت بتساعدني، فاجأتني وأدتني المصحف عشان تحلفني عليه في موضوع بسبب خلاف في البيت، وأنا رفعت إيدي عشان عندي ظروف، وفجأة لقيتها راحت راميّاه على الأرض وأنا رحت مصوتة.
س: وما هو اسم تلك السيدة المنوه عنها؟
ج: هو أنا مش عارفة اسمها عشان بس كنت بنادي لها مريم.
اقرأ أيضا:
17 نوفمبر 2026 08:35 م
17 نوفمبر 2026 08:30 م
17 نوفمبر 2026 07:17 م
17 نوفمبر 2026 06:47 م
17 نوفمبر 2026 05:39 م
17 نوفمبر 2026 04:48 م
17 نوفمبر 2026 04:46 م
17 نوفمبر 2026 04:44 م
أكثر الكلمات انتشاراً