الجمعة، 20 نوفمبر 2026

07:45 م

الجمعة، 20 نوفمبر 2026

07:45 م

ضحية تعدي شاب بمدينة نصر: صورني فيديو بقميص نوم عشان أسيب خطيبتي (خاص)

صورة تعبيرية

صورة تعبيرية

تعرض شاب يدعي وليد للتعدي من آخر بمنطقة مدينة نصر التابعة لمحافظة القاهرة، بسبب طلب الأخير من الأول الانفصال عن خطيبته والتنازل عن منزله وهدده بفيديوهات خارجة.

اعترافات ضحية تعدي شاب بمدينة نصر

وحصلت “تلجيراف مصر” على اعترافات المجني عليه في التحقيقات والتي أتت كالتالي: "حد كلمني بالتليفون وقالي أخويا بركات هيجيلك وهتروحوا شقتي اللي في شارع المزرعة بعزبة الهجانة في مدينة نصر، تجيبوا فلوس من هناك ولما خلصت شغلي جالي بركات حوالي الساعة 7 صباحا وأخدني وكان معاه مكنة وطلعنا على عزبة الهجانة".

وأكمل الضحية حديثة بالتحقيقات: “وفعلا طلعنا الشقة وأول ما دخلت الباب لاقيت خاطر المتهم قفل عليا الباب وضربني واخد مني فلوسي وتليفوني وقالي أحكيلي على اللي حصل بينك وبين سحر “خطيبتي” قلتله أنا متقدملها وهتجوزها فقالي مش هينفع تتجوزها وقعد يشتمني بالألفاظ بالأب والأم وقعد يهددني إني أبعد عنها وبعدين أنا رفضت وقلتله أنا مش هسيبها لاقيته قعد يضرب فيما ولاقيته سحب عليا كتر وقالي لو مسبتهاش أنا هشرحك”.

أقوال ضحية واقعة فيديو الملابس النسائية بمدينة نصر 

وأضاف: “نزل فيا ضرب ودخلوني أوضة النوم وساعتها خاطر حط رجليه علي وشي وقالي: أنا ممكن منزلكش البلد تاني واكسر عينك، واخد مني 3200 جنيه وطلع منهم 2000 جنيه وإداهم لـ بركات وقاله روح اشتري مكنة حلاقة وموس حلاقة وخمس دفاتر إيصالات أمانة وبصامة وقميص نوم أسود وبعدها بركات غاب ساعة وجاب الحاجات دي وجيه”.

وقال: “راح خاطر اتصل بمحامي يسأله أعمل إيه فقاله بصمه على آخر الإيصال من تحت، فلاقيت خاطر قالي هتمضي وتبصم ولا أضربك وفعلا سحب عليا الكتر وبصمني على أربع دفاتر إيصالات أمانة على الأبيض ببصمة إبهام إيدي اليمين بالإكراه وتحت التهديد بالسلاح وهو بيبصمني كان بيشتم فيا، وبعد ما خلص راح كتفوني وقالي أنا هعرف أخليك تسيبها وكانوا مكتفيني وراح بركات حلقلي شعري زيرو وبعد كده خاطر بيقول ليسري وبركات قلعوه عشان ألبسه قميص النوم”.

أقوال ضحية واقعة فيديو الملابس النسائية بالتحقيقات

وأكمل: “يسري بصراحة مرضيش يعمل كده لكن بركات وخاطر نزعا ملابسي وساعتها كنت لابس بنطلون والبوكسر وتيشرتين وجاكيت ترنج، ووقعوني على الأرض وبركات كان ماسك موبايل وصورني صورتين وأنا عريان، وخاطر قومني ولبسني قميص النوم غصب عني، وراحوا صوروني فيديو مدته عشرة دقائق وتسعة عشر ثانية، وكان بيشتم فيا وبيضربني وقعد يقول كلام محصلش أصلا، وأنا مكنتش قادر أدافع عن نفسي، وبعدين خلعني قميص النوم وصورني فيديو مدته 4 دقايق وأنا عريان وبعدين دخلني الحمام”.

اقرأ أيضا:

حقيقة حكم المؤبد على المتهمين بإجبار "شاب ميت عاصم" على ارتداء ملابس نسائية

search