"نعمة الأفوكاتو" تكشف لحظات مرعبة من الكواليس: دخلت قبر حقيقي

أعربت الفنانة مي عمر عن صعوبة مشهد دفنها في المقابر خلال تصوير أحداث مسلسل “نعمة الأفوكادو”، رمضان الماضي، موضحة أن جميع المشاهد ليست ديكور بل مواقعها حقيقية 100%.

مي عمر: مشهد التربة كان حقيقي

وقالت مي عمر خلال استضافتها بالأمس برفقة زوجها المخرج"محمد سامي" في برنامح “الحكاية” مع الإعلامي عمرو أديب المذاع عبر قناة "mbc مصر"، إن المشهد كان صعب، لأن مشهد التربة حقيقي مش ديكور".

مي عمر: “جالي بانيك أتاك”

قصت مي عمر، كواليس مشهد دفنها في التربة "المفروض إن أحمد زاهر بينزل تحت عشان يرمي السجادة، بعد كده يطلع، وقالولي استخبى في غرفة جوه، عشان رجلي متطبعش عشان ميظهرش إن فيه حد دخل".

ووصفت “عمر” شعورها في البداية “أول ما حطّ السجادة وقفل أنا جالي بانيك أتاك. مبررة ذلك بأنها “في لحظة بدأت تهاجمها أفكار كثيرة، منها أن تكون حدثت كارثة وأدت إلى ذهابهم ونسيانهم لها في الداخل”.

كما أضافت عمر "أنا بيجيلي نوبة ذعر من الضلمة والأماكن الضيقة والمشهد ده جمع الاتنين في بعض".

إعادة تصوير مشهد التربة 

وكشف كل من مي عمر وزوجها "محمد سامي"، أن المشهد أعيد تصويره أكثر من مرة بسبب خوفها.

علقت مي عمر “أول ما أعرف أنه هيقفل ابتدي أعيط”، وتابعت "محمد سامي كان محتاج يصور وقالي أنزل معاكي يعني فقلتله هيفرق في إيه أنا بردو خايفة".

بينما قال المخرج محمد سامي "كل شوية تعيط وتصرخ وتقول مش هصوّر وتخرج، وكانت الشمس هتطلع كمان شوية ومش عايز دلع".

“التربة حقيقية”

قال المخرج محمد سامي: “التربة حقيقية بس مفيهاش أموات”. وأضافت مي عمر: "بس عاملين 3 ماكيت ناس مدفونة وحطينهم جنبي في الأوضة".

ووصف "سامي" شعوره عند رؤيته لهم "رغم أن أنا اللي طالبهم وشايف صورهم بس أول ما نزلت وشوفتهم أنا اتقبضت".