"كبرت وبقيت أسيب حقي".. آيتن عامر في ذكرى رحيل والدها

بكلمات مؤثرة نعت الفنانة آيتن عامر والدها في ذكرى رحيله الـ 23 من خلال حسابها الشخصي عبر موقع تبادل الفيديوهات والصور “إنستجرام”.

في رثاء والد آيتن عامر

واستعادت آيتن عامر ذكريات طفولتها مع والدها من خلال منشورها عبر موقع التواصل الإجتماعي “إنستجرام” ، “الله يرحمك يا حبيبي يا بابا .. كنت بتخدنى معاك فى كل حتة بتروحها ، على القهوة تعلمنى طاولة و دومينو وبعدها نتمشي على البحر و ناكل آيس كريم و تودينى الملاهى و نركب العربية تسمعنى أم كلثوم ، لو كنت هنا دلوقتى كنت أنا إللى هاخدك معايا كل حتة و كنت متأكدة إننا هنكون صحاب مش بنت و أبوها علاقتهم تقليدية”. 

وأضافت آيتن عامر قائلة “ لما ببقى قاعدة قعدة فيها هزار و ضحك بيبقى نفسي تكون موجود ، و أكتر وقت باحتاجك فيه لما حد يزعلنى لانى عارفة انك لو كنت موجود كنت مش هترتاح غير لما تجيبلى حقى ، كبرت بقا وبقيت اسيب حقى لربنا بس انت لسه واحشنى ، الله يرحمك و يغفر لك و يعفو عنك ، ادعوا لبابا اللى سابنا زى النهاردة فى 2001 أن ربنا يرحمه من فضلكوا ”.

يشار أن الفنانة آيتن عامر ركزت مؤخرا على دخولها للوسط الغنائي، وقامت بأولى حفلاتها في عيد الفطر الماضي بعد إطلاق أغنية “انا توتة فروتة”.