تحرك سريع.. الداخلية تحقق في اتهام سائق "إندرايف" بخطف فتاة

قالت الأجهزة الأمنية في مديرية أمن القاهرة، إنها تفحص منشورا متداولا على موقع “إكس”، تتهم فيه فتاة سائقًا في شركة النقل الذكي "إن درايف" بمحاولة خطفها.

وقال مصدر أمنى إن أجهزة الأمن تفحص المنشور للوقوف على صحته، كما سيتم التحفظ على كاميرات المراقبة فى المكان الذي قالت الفتاة أن المتهم حاول خطفها فيه، للوصول لسائق السيارة.

تفاصيل الواقعة 

وروت فتاة تدعى جنى الحاوي، تفاصيل تعرضها لمحاولة خـطف من سائق في شركة النقل الذكي "إن درايف" بعدما صمم على تقاضي ما يزيد عن 3 أضعاف المبلغ الذي حدده التطبيق للرحلة.

الفتاة قالت عبر "إكس": "طلبت إن درايفر لحد مول 1 الرحاب وبيني وبينه 10 دقايق بالظبط والأجرة اللى موافق عليها ومكتوبة 55 فضل يلف جوه الرحاب ولما وصلت بيقولي حسابك 180+20 تكييف!! بقول له: دي اللى ع الإبلكيشن؟ ازاي يعني؟ ف رفع صوته".

وأضافت: "وبيقول لي: مش هتنزلي من العربية غير لما تدفعي، وقفل اللوك، وطلع يجري بسرعة مجنونة، وفضلت أزعق وأخبط في الباب، وفضلت أخبط على الشباك، راح فتح اللوك، فتحت العربية وهي بتتحرك، وفضلت أصوت: حد يلحقني، فوقف العربية ونزلت أجري، نزل ورايا".

وتابعت: "لقيت واحد وقف لي بعربية، فالكابتن بيقول له: أنا ليّ فلوس، وأنا مرعوبة ومش فاهمة، طلعت اللي في شنطتي رميته في الأرض، كان 300 جنيه، الشاب اللي معايا قال لي صوّريه، ولسه بصوّره راح جري ف العربية.".