سلاح وقنبلة دخان.. عمر كمال: مختل احتجزني رهينة في بنك (فيديو)

كشف المطرب عمر كمال عن تعرضه لسطو مسلح في أمريكا، خلال لقائه مع الإعلامية أميرة بدر في برنامج “خلاصة الكلام” على قناة “النهار”.

وقال عمر كمال" حسن شاكوش قدم له نصيحة بفتح حساب بنكي في الولايات المتحدة الأمريكية لسهولة التعامل المادي هناك".

نصيحة حسن شاكوش 

وأكد عمر، أنه بالفعل استمع لنصيحة شاكوش بالفعل، وذهب إلى إحدى البنوك من أجل الحساب البنكي، وتابع:“أنا كنت في لوس إنجلوس.. وكنت بسمع دايما أن هناك بيتم عمليات سطو على البنوك بس أنا قولت أكيد دي أفلام ومش حقيقة، متخيلتش أنها هتحصل معايا بجد”.

تفاصيل السطو المسلح

وعن كواليس عملية السطو، قال"وأنا في البنك لقيت واحد داخل ملثم ومعاه شنطة وسلاح وعمال يزعق في الست وأنا مش فاهم حاجة، فاكر إنه هو عنده مشكلة في الحساب بس هو مجنون”.

وأضاف عمر كمال قائلا “لقيت المتعهد إللي معايا بيقوله عمر انزل وارفع ايدك فوق أو حاول تخرج من غير ما الراجل يشوفك، قولتله أنا مالي يا عم هو بيتخانق معاها أكيد في مشكلة في الحساب، وفجأة لقيت نفسي محتجز رهينة وفي فيلم هندي”.

وسرد عمر كمال في هذه اللحظات موقف كوميديا، قائلا “وإحنا محتجزين لقيت المتعهد بيصور اللي بيحصل.. قولتله بتعمل إيه قاله فيديو أرشيفي والفيديو معايا لحد دلوقتي، بس بعد ما خرجت قررت أتعلم إنجليزي، وطلع الراجل ده مجنون ومختل نفسيا والشرطة جت قبضت عليه، وكان معاه قنبلة دخان مش حقيقية”.