“بتوع ريتش”.. هجوم على بلوجرز بسبب عدم مقاطعة شركات داعمة لإسرائيل

حالة هجوم حادة، قادها الجمهور على البلوجر هند مدحت والبلوجر نادية الخولي عبر منصات التواصل الاجتماعي المختلفة، بسبب عدم مقاطعتهما شركات داعمة لإسرائيل.

قصة هند مدحت الخاصة بعدم مشاركتها في المقاطعة، أوضحتها عبر فيديو لها بمنصة “إنستجرام”، قائلة “دي آخر مرة هتكلم في الموضوع دا، محدش يقول مقاطعة ولا مش مقاطعة على أي حاجة، عشان أنا ماضية عقود فيها شروط جزائية”.

وأضافت “فيه عقود مضتها قبل أحداث غزة، وفيه عقود مضيتها بعد أحداث غزة بكل صراحة، وأنا عندي التزامات، ولو انتوا عاوزين تدفعوهالي تعالوا، وبعد كدا اتكلموا، وأنا اللي مش عجباه يغور”.

البلوجر نادية الخولي

أما عن البلوجر نادية الخولي، فكان الأمر مختلفًا، وذلك بعد أن انتشرت محادثة لها مع إحدى متابعاتها تسألها “لماذا لم تقاطعي الشركات الداعمة لإسرائيل في ظل الأزمة الفلسطينية؟”.
فكان جواب الخولي “أنا مش مقاطعة أنا بجيب لبنتي أحسن حاجة هي مالها ومال المقاطعة كل واحد يقاطع ميخصوش غيره مقاطع دا ولا لأ، كفاية تنظير”.

تعليقات الجمهور

وانهالت التعليقات المهاجمة لكل من البلوجر هند مدحت ونادية الخولي، فكان من ضمن التعليقات “دي نوعية قبل ما تشتهر كانت مش معاها تجيب أكياس شامبو سباركل بس لما مسكت الفلوس على قفا الناس بقت مش قادرة تعيش من غير أنضف حاجة، سبحان الله على البشر”.

وهاجم تعليق آخر هند ونادية “بص دي نادية الخولي بتقولك هي بتجيب شامبو لبنتها عندها 40 يوم مالها ومال المقاطعة! قال من قلة الشامبوهات يعني، ومش هما بتوع الريتش إحنا اللي بتوع ريتش وعاوزين نلم لايكات على قفاهم”.