فتاة تستغيث عبر “فيسبوك”: جوزي كسر لي سناني وهيقتلني

استغاثت فتاة تدعى “ميرنا حورس”، من زوجها عبر فيديو لها على فيسبوك، بعد تعرضها للضرب وكسر أسنانها على يده هو وأهله على حسب قولها.

وقالت ميرنا في بث مباشر عبر صفحتها الشخصية: “جوزي كان دايما بيضربني، في شهر 8 اللي فات ضربني وعملت محضر، وخرجت من البيت من غير لا هدوم ولا عفش ولا أي حاجة، وبدأنا ندخل في المحاكم بسبب أنه مش بيصرف على البنت، وأهله قدموا ورقة أنه طالب ولا يقوى على الإنفاق على البنت وقيمة النفقة قلت”.

ميرنا حورس

وتابعت: “قعدت فترة طويلة اتحايل عليه يشوف بنته عشان تعرفه ويعرفها، لحد ما قرر يشوفها وامبارح أخدها على أساس أنه يشوفها ساعتين، ولكن أخد البنت وقعدت أتصل بيه مكانش بيرد، فروحتلهم البيت، ولما طلبت بنتي قال لي: اطلعي برة دا مش بيتك”.

واستكملت: “اتصل بأبوه وبالفعل طردوني من البيت أنا وأمي، طلبتلهم البوليس وبدأت أوطي على إيده أبوسها عشان آخد بنتي، ضربني وشدني من شعري، ولما عرف أني فتحت لايف أصور اللي بيحصل، اتلموا عليّ كلهم، وضربوني، وكسروا سناني”.

ساعدوا ميرنا حورس

وتفاعل رواد مواقع التواصل الاجتماعي مع فيديو الفتاة، ودشنوا هاشتاج تحت مسمى “ساعدوا ميرنا حورس”، فكان من ضمن تعليقات الجمهور: “جماعة ممكن تساعدونى نحول الموضوع لرأى عام، دي صاحبتى وأختي، جوزها ضربها هو وأخواته وباباه فى الشارع، وسحلوها وأخدوا منها بنتها، ومأمنين نفسهم من كل ناحية عشان همّ ناس كبيرة فى المحلة".

وضمن التعليقات أيضا: “مساء الخير.. دي بنت اسمها ميرنا حورس، هي صاحبتنا زوجها تعدي عليها بالضرب هو وأخواته، وكسروا سنانها، وأخدوا منها طفلتها اللي عمرها سنة و3 شهور، وطالعة لايف تستغيث وعايزة بنتها ترجع لحضنها تاني، أهله داخلين في التعليقات، يستفزوها أكتر، كلنا معاكي مش أنا بس، وحقك هيرجع بإذن الله” .