"لو فيها ثعبانة هقطع رأسها".. رسالة من طليقة أمير طعيمة

طليقة الشاعر أمير طعيمة تثير الجدل من جديد، عبر مواقع التواصل الإجتماعي بعد مرور ما يقرب من عام على انفصالها من زوجها، حيث وقع الطلاق في شهر إغسطس الماضي حسب تصريحات الشاعر في وقت سابق.

رسالة غامضة 

ووجهت جيني كامل عبر حسابها الشخصي على منصة “فيسبوك” رسالة غامضة “للأسف الشديد وأنا بقول كده وأنا في قمة الحزن، المرحلة الجاية مش عارفة هتكون نهايتها إيه، بس الأكيد إنه خسارة أبشع بكتير من خسارة هدم منزل الأصدقاء القريبين ورفقاء سنوات النجاح وغيره"

وأضافت: ما أسمعش حد منكم يرجع يقولي ما قولتيش ليه قبل ما تردي على إللي حصل، لأ أنا بقول هرد وبكل شموخ والعواقب للأسف الشديد حتي لو في صالحي هي خسارة وحتي لو لصالح الطرف الاخر فهي خسارة مهما كسبنا، محدش بيدخل السكة دي وبيكسب لأنها مقبرة عشرة سنين، بس معنديش حل تاني وخصوصاً لو فيها ثعبانة، سمها هيقضي، عليا فأكيد هقطع رأسها وذيلها”.

هجوم طليقة أمير طعيمة على أكرم حسني

ليست المرة الأولى التي تثير طليقة الشاعر أمير طعيمة الجدل، حيث أنها قامت من قبل بتوجيه إتهام مباشر للفنان أكرم حسني أنه من تسبب في خراب بيتها، ونشرت عبر مواقع التواصل الإجتماعي "سبب رئيسي في خراب بيتي التفكير ده وصاحب الفكرة دي والقعدات اللذيذة اللي أنا رفضتها وهرفضها وبرفضها، أنا بيتي قائم من 16 سنة محدش لا زعزعه ولا قرب منه ودي نتيجة إنك تدخل ناس بيتك معاهم ناس بتسمم أفكارهم، يا رب تكون مرتاح أنت وهي".

وأضافت جيني قائلة "استقرار بيتي فوق أي اعتبارات يا أكرم ولو أنت هديت بيتك لأسباب القريبين عارفينها، ما تسممش أفكار زوجي زيك ولو إنها خلاص انتهت.. يا رب تكون مرتاح أنت وهي Amir Teima حسبي الله ونعم الوكيل فيك أنت وهي، أكرم حسني، أمير طعيمة، فلوس الرياض عجبتکوا؟".

رد أمير طعيمة 

الشاعر أمير طعيمة قام بالرد عليها، قائلا "أنا منفصل رسميًا من شهرين وكنت منتظر الإعلان الرسمي لحين الإنتهاء من بعض الإجراءات القانونية اللي كنت اتمنى أنها تتم بشكل ودي حفاظًا على مصلحة أولادي ورغبة مني أن الأمور تتم بشكل يليق بعشرة سنين طويلة وللأسف لمًا ده ما حصلش الطلاق وقع".

وأضاف: " فيما يخص إقحام اسم اخويا وصديقي الفنان أكرم حسني.. أولا مش أكرم أول ولا آخر حد هييجي اسمه بالباطل وده للاسف كان متوقع،  بس بما أن الهجوم منها دلوقتي على أكرم فعايز أقول التالي:

" 1- أكرم ملوش أي صلة بالطلاق وبالعكس لما عرف من مدة انى هاخد الخطوة دي نصحني ما اعملش كده لمصلحة أولادي.

2- كصديق وكفنان هو من انضف الناس اللي اتعاملت معاهم وأشهد ربنا إني عمري ما شفت منه غير كل خير واحترام.

3- أكرم مش طرف مباشر أو غير مباشر في الطلاق، طلاقي لأسباب أكيد مش مكانها الفيس بوك ولا تخص أحد غير الطرفين، مفيش حد في الدنيا بيطلق إلا لأسباب تخصه.

 4- أكرم ما عملش هاك لحسابها والكلام ده ربنا عالم إنه غير صحيح ".