حلقة حسام أنتيكا ويارا البهنساوي تثير غضب السوشيال ميديا

أثارت حلقة المصور حسام أنتيكا وزوجته البروجر يارا البهنساوي في بودكاست "المتزوجون"، غضب واسع على منصات التواصل الاجتماعي، بسبب اعتراف يارا "أنا اللي خليته يحبني ويتجوزني".

حسام أنتيكا ويارا

وقالت يارا، "كنت أتابع حسام أنتيكا منذ مرحلة الإعدادية والثانوية، وبذلت جهدًا كبيرًا لكي اقنعه هو وأهله بيا"، بينما رد أنتيكا "لم أكن أحبها، كنت بحب طليقتي سلمى، ولم استطيع تخطي هذه العلاقة".

وأضاف "هناك كلمات نبهت زوجتي يارا ألا تذكرها لأنها تذكرني بطليقتي، وأنا لم احب يارا وفي أي وقت ممكن انفصل عنها".

تعليقات الجمهور

وعلقت ضحى زيدان على حلقة حسام أنتيكا ويارا بهنساوي، قائلة "بتفهمنا قد إيه البنت لما بتحب بتبقى الطرف الأكثر عطاء، وبتضحي كتير وزيها زي أي بنت مضحية".

وأضافت "يارا وحسام  متجوزين، لكن الشغف كله للعلاقة من عندها هي، وهي اللي بتحاول فقط، وهو مش شاغل دماغه بحاجة، هي عافرت علشان يتجوزوا، وعافرت علشان تقدر تقنع أهله بيها، معرفش العلاقة توكسيك ولا كويسة بس كتير عايشها".

وقال محمود سيد، "انتوا مش محتاجين تتعالجوا نفسيًا بعد حلقة أنتيكا ويارا البهنساوي، انتوا محتاجين تتعلموا أن أساس البنت الحياء، مهما المجتمع الغربي حاول يصدر لك عن جمال ”الفيرست ستيب" اللي بتعمليها يا ست الكل ومحاولات لفت الانتباه".

وتابع "مش هقدر كل مجهودات اللي بتعمليها طالما أصلًا مفيش مشاعر مني، وإني لو عايزك أنا اللي هعمل ده، وملزم أبادر بكل مشاعري في الأول مش أنت، وساعتها لو صارحتك ابقي قولي اللي نفسك في، ماتجيش تعيطي في الآخر طالما مش أنا الطرف اللي مبادر".

أنتيكا وسلمى

انفصلت سلمى عن المصور حسام أنتيكا منذ عدة سنوات، وتزوجت من شخص آخر وأنجبت منه، وبعد تصدر الحلقة محركات البحث وذكر اسمها، علقت ساخرة عبر خاصية "استوري" على "إنستجرام"، "يا مذيعة  أنا ماليش دعوة بأي حاجة".