نهى الجندي: "الرقص على النت جريمة.. وفيفي عبده معرضة للحبس"

قالت المحامية نهى الجندي، إن الرقص على مواقع التواصل الاجتماعي، يعتبر جريمة يعاقب عليها القانون.

وأشارت المحامية نهى الجندي في لقائها ببرنامج “شاي الياسمين” الذي تقدمه الإعلامية ياسمين الخطيب، إلى أن الراقصات على "ريلز فيسبوك"، يحرضن على الفسق، قائلة “اللي بيعملوه الرقصات على فيديوهات ريلز الفيسبوك مش رقص”.

إيحاءات منافية للآداب

تابعت: “دا مش منظر رقاصة ولا ده تأدية رقص، دي إيحاءات منافية للآداب دول مش طالعين يرقصوا دول طالعين….”.

‎وأضافت نهى الجندي: “ما تفعله الراقصات غير قانوني، وتصوير وتسويق أنفسهن على مواقع التواصل غير قانوني ويعاقب عليه.. لإن كدا إساءة استخدام وسائل التواصل الاجتماعي بنشر مقاطع تعمل على التحريض على الفسق والفجور”.

فيفي عبده للمسائلة القانونية

‎وأكملت نهى الجندي: "حتى لو لابسة جلابية وطرحة مع احترامي للحجاب، برضه الفعل غلط ويعاقب عليه القانون، وحتى فيفي عبده لو حد قدم فيها بلاغات تتعرض للمساءلة القانونية بتهمة التحريض على الفسق والفجور وهو ما يعاقب عليه بالحبس".

‎وعن الفارق بين الرقص في الزمن الجميل والفترة الحالية 2024، إن الوضع مختلف، قالت “الجندي” إن الراقصات في الماضي لم يكن لديهن مواقع تواصل اجتماعي ينشرن من خلالها رقصهن، فضلا عن أن الراقصات الآن لا يرقصن بل يقومن بحركات وإيحاءات وأفعال منافية.

‎وقالت :"هو ينفع أجيب ناس بترقص في الأفلام نحاسبهم على رقص دلوقتي، مكنش فيه زمان سوشيال ميديا كانت شاشة أبيض وأسود وخلاص، لكن دلوقتي بنشوف الراقصات على الريلز مبيقولوش إن ده رقص دول بيروجوا لحاجات تانية".

معظم الرقصات مدرجين آداب

‎وتابعت: "معظم الرقاصات اللي بيظهروا على الريلز دول بيبقوا عليهم قضايا آداب، لو شوفتي الكارت الجنائي بتاعهم هتلاقي معظمهم مدرجين آداب، وطبعا مش بعمم لكن معظمهم".

‎وعن رقص الرجل، قالت إنه إذا رقص الرجل بحركات تنافي قيم المجتمع، فسوف يعاقب قانونًا، لأن هذا يعتبر تعدي على قيم المجتمع.