هل الزوجة ملزمة بإرضاع أطفالها؟.. أمينة الفتوى تجيب

حسمت الدكتورة زينب السعيد، أمينة الفتوى بدار الإفتاء المصرية، الجدل المثار حول هل تلزم الزوجة شرعا إرضاع طفلها؟.

هل تلزم الزوجة شرعا إرضاع طفلها؟

وأوضحت أمينة الفتوى بدار الإفتاء المصرية، خلال حوار مع الإعلامية سالي سالم، بحلقة برنامج "حواء"، المذاع على فضائية "الناس"، "خلينا نقول إن حق الرضاع، ده هو حق للطفل وأولى الناس بإعطاء الحق، ده ليه هي أمه؛ لأن الله عز وجل أجرى غذاؤه من خلالها يعني وصل الله غذائه من خلال أمه البيولوجية اللي هي أنجبته هي أولى الناس باعطاءه الحق ده".

وأضافت "لو هنفرض إن الأم امتنعت، هي كده ما بين حالتين هل امتناعها ده في حال تعينها يعني هل ما فيش حد غيرها يقدر يوصل للطفل ده غذائه غير أمه، في حال تعينها تعينت بمعنى إن مفيش غيرها يقدر يغذي الطفل ده يعني مثلا إن الطفل يمتنع عن أن هو ياخد لبن غريب أو لبن صناعي أو يرضع من امراة أخرى ففي الحالة دي الأم تعينت وملزمة ترضع ابنها، لأن هي لو مش هترضع الطفل يهلك فيعني مافيش أم أصلا ترضى إن ابنها يحصل له هلاك".

وتابعت "في حالة إن الأم هي التي تتعين يعني إن ممكن الطفل يأخذ ألبان خارجية أو صناعية أو إن في أم مرضعة ثانية، تقدر إن هي تقوم بدور أو بواجب الإرضاع، ففي الحالة دي، يعني بيجوز للأم إن هي إيه، يعني تسلم ابنها الطفل لأم ثانية ترضعه لها لكن ده مش هو الأمثل يعني والغالب إن مفيش أم بتمتنع عن إرضاع طفلها إلا لو كان في سبب يخليها تفكر بالشكل ده، أحيانا بعض الأمهات بتشعر بالذنب في بعض الأطفال ما بيبقوا متقبلين لبن الأم أحيانا، وبعض الأحيان بيكون في مشاكل صحية أو ظروف قهرية وهنا لا يكلف الله نفسا إلا وسعها".