باسم مرسي: جمهور الأهلي مبيحبنيش علشان كنت بعلّم عليه

انتقد باسم مرسي مهاجم الإسماعيلي الحالي والزمالك الأسبق، ما يصفونه بأنه لاعب الموسم الواحد، مشيرا إلى أنه أظهر تألقه مع الزمالك على مدار 3 سنوات كاملة.

وخلال ظهوره في بودكاست من الجول للجول مع الإعلامية دينا الإدريسي، ردّ مرسي على الإدعاء المذكور أعلاه قائلاً :" لعبت 4 سنين في الزمالك 3 منهم أنا هداف الفريق في كل البطولات، ازاي أبقى لاعب موسم واحد بس؟ أنا جايب 53 جول مع الزمالك، وده رقم كبير، والسنة الرابعة بس هي السنة الوحيدة اللي أنا كنت وحش فيها بسبب الإصابة."

كما علق على استفزاز جماهير الأهلي خلال فترة تواجده بالزمالك قائلاً: "بعض جمهور الأهلي مبيحبنيش عشان أنا دايما بجيب فيهم أجوال محدش بيكره واحد فاشل ومحدش بيكره حد ملوش قيمة " .

أضاف :" بالبلدي كدة باسم ده بيعلّم علينا على طول هو جمهور الأهلي كده، جبت أجوال كتيرة فيه وجبت بطولات منه" 

واختتم :" لاعبيه الأهلي زيها زي أي لاعيبة، والأهلي زي أي نادي، أنا مبعملش حساب لتيشيرت الأهلي، لاعيبته عادية جدا، لكن التيشيرت بيمنحهم طاقة ".