وفاء عامر: "بتوع حقوق المرأة عاوزين يخربوا البيوت"

قالت الفنانة وفاء عامر، إن كل الأديان السماوية حثّت المرأة على طاعة زوجها في حدود الأخلاق والمعاملة الطيبة، بعيدا عن النديّة والجدال والخلافات.

وأضافت عامر، خلال حوارها ببرنامج "القاهرة اليوم" عبر فضائية "اليوم"، مساء الخميس "بتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها، الزوجة تعمل أي حاجة مع زوجها لتحقق له الراحة والسعادة".

كرامة المرأة

وتابعت وفاء عامر "بغسل رجل زوجي لما بيرجع من بره البيت من غير ما يطلب مني، التصرف ده لا يدوس على كرامتي ولا حد يقلل من قيمتي، مفيش مشكلة أغسله رجله".

وأكملت الفنانة وفاء عامر "أؤيد حقوق المرأة في حاجات كتير زي الحفاظ على كرامة المرأة، أو إن حد يجرحها بكلمة، أو حد يأكل حقها ويبقوا واقفين في ضهرها".

“آيتن مش بنتي”

فيما يتعلق بعلاقتها مع شقيقتها آيتن عامر، قالت الفنانة وفاء عامر "آيتن دايمًا بتخاف من قراراتي وبتعمل لي حساب وحريصة على إنها ترجع لي في كل حاجة لإن اللي ملوش كبير بيشتري له كبير".

وأكدت "آيتن عامر مش بنتي واللي عنده ورقة يطلعها، ودي الحقيقة، واللي مش عايز يصدق هو حر، أنا واثقة في نفسي وعارفة إني ما بعملش حاجة غلط، لكن يا ريتها كانت بنتي وأمنية حياتي إن يكون ليا بنت".