"لا رجولة ولا بطولة".. أول تعليق من محمد رمضان على "الصفعة"

أبدى الفنان محمد رمضان، ندمه على واقعة تبادله الصفع مع شاب معجب في قرية سياحية بالساحل الشمالي، مؤكدا أنه يستحق العقاب على ذلك.

وقال رمضان، في أول تعليق على الواقعة، من خلال فيديو عبر حسابه الرسمي بموقع الصور والفيديوهات "إنستجرام"، "الجمهور العدل الأصيل الغالي ألف شكر، وربنا ما يحرمنيش منكم على وقفتكم معايا ومساندتكم، وقرأت وسمعت قد إيه دافعتم عني وغلطتم الولد الصغير، ولكن أنا علمت الفيديو ده علشان اعترف بخطأي واعتذر لأهل الولد الصغير، علشان إيدي اتمدت عليه وأنا عارف إنه عيل صغير".

لا رجولة ولا بطولة

تابع، “لما غلط في الأول قلعته الكاب وبصيت في وشه لقيته صغير وقلت له اسمك إيه، قالي اسم كذا، ولما رجع غلط تاني لفيت وقلت له هات التليفون، خباه وما تمالكتش نفسي وضربته قلم بسيط، والقلم البسيط ده طير له الكاب والنضارة اللي كان لابسهم، ولو نعتبر إن الناموسة اللي وقفت على خدي قلم فأنا استاهل خمسة، لأني مديت إيدي على عيل صغير، ودي لا رجولة ولا بطولة”.

متمالكتش نفسي

استكمل رمضان، "أنا ما تمالكتش نفسي لما خدت تليفونه ومسحت الفيديو، وحد قالي اكسر تليفونه علشان ما يعملش كده تاني".

اختتم، “قلت له لو هو غلط أبوه وأمه ذنبهم إيه يجيبه له تليفون تاني، خاصة لما عرفت إنه من قرية تانية، وقلت لهم روحوه والأمن قال اعملوه له محضر قلت لهم لا يروح بعد إذنكم”.

وتداول المعجبين لـ محمد رمضان، فيديو ، ظهر فيه وهو يتشاجر مع شاب، وطلب منه هاتفه المحمول، وعندما رفض الشاب منحه الهاتف صفعه رمضان على وجهه. وعلى الفور، رد الشاب الصفعة للفنان على وجهه، وسط محاولات المتواجدين فض الاشتباك بينهما.