اتعلمت الدرس.. مسلم ينفصل عن خطيبته للمرة الثانية

أعلن مؤدي المهرجانات مسلم، انفصاله عن خطيبته يارا تامر، بعد عودتها بفترة قليلة من الانفصال الأول الذي حدث في شهر مايو الماضي.

وكتب مسلم عبر خاصية "ستوري"، بحسابه الرسمي في “إنستجرام”: "محتاج أقول حاجة يمكن مش هتكون مهمة للناس دلوقتي، لأن حاسس أن الناس زهقت من الموضوع ده بس حبيت أوضح علشان أرضي ضميري قدام ربنا".

وتابع: "تم فسخ خطوبتي من يارا تامر، وأتمنى لي حياة جميلة ونجاح واستمرار، لأن حاولنا كتير، وأنا خسرت كتير من حياتي ووقتي، قصاد التجربة ديه وفشلت، وبحمد ربنا أنه بين لي كل حاجة تخليني أبقى في حالي".

واختتم: "وأسف لنفسي مرة تانية، والمرة ديه بجد اتعلمت الدرس، شكرًا المرة ديه اتقفل الموضوع نهائي".

الانفصال الأول لمسلم ويارا تامر

وليست هذه المرة الأولى الذي انفصل فيها مسلم عن خطيبته، والذي سبق وأن حدث في مايو الماضي، أي في نفس شهر الخطوبة.

وكشفت يارا مؤخرًا، سبب الانفصال الأول لمسلم عنها، بعد أسابيع قليلة من إعلان خطبتهما، وكتبت عبر “إنستجرام”: “متفقناش مع بعض مش أكتر، ومكناش نعرف بعض قبل الخطوبة بوقت كافي إننا نفهم بعض، ففركشنا من غير أي مشاكل، وهو شخص كويس جدًا ولحد دلوقتي مفيش بينا غير كل احترام”.

طلاق مسلم

وهذه ليست المرة الأولى التي يعلن فيها مسلم عن انفصاله، بل في ديسمبر الماضي، أعلن عن طلاقه من ميكا البغدادي، وذلك عبر “إنستجرام”، قائلًا: "الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا إني راعيت الله فيها وتمسكت ببيتي أكثر من مرة".