"هطلع معاش خالص".. صديقة مقربة لـ تامر ضيائي تكشف آخر كلماته

كشفت إحدى صديقات الفنان الراحل تامر ضيائي، تفاصيل مقابلة أخيرة لهما قبل يومين فقط، بعدما التقت به رفقة بعض الأصدقاء. 

وقالت الفتاة سمر نجيلي عبر حسابها على "فيسبوك": "تامر كان بيكلمني بليل بيقولي عاوز أكل كفتة وبنهزر كنا متفقين نتقابل الخميس علشان هويدا قالي جاي وبعد كده قالي لأ مش عارف لسه نبقى نشوف". 

تابعت: “أول إمبارح معرفش ليه عملت نزولة كده على الهوا أكني واخد أوردر أني أنزل أشوفه واتفقت مع حسام بس وبعدها حسام قالي كلم تامر نشوفه قلتله ياريت ده وحشني أوي وفعلا جالنا ولعبنا طاولة وسابني أكسبه”. 

هطلع معاش خالص

استكملت: "سألته على شغله في الجامعة قالي بيني وبينك طلعت معاش، وضحك وقالي وشكلي طالع معاش خالص، قلتله ربنا يديك الصحة وضحكنا وكان فرحان أن أحمد ابنه نجح بتقدير وفرحان بحفيدته وكان جاي من السفر فرحان ونفسخه مفتوحة، مكنتش أعرف أنك بتودعنا يا تامر".

صراع مع المرض

ورحل الفنان تامر ضيائي أمس، إثر أزمة قلبية مفاجئة تعرض لها.

وأعلن نبأ الوفاة الفنان محمد علي رزق، ونعى زميله الراحل عبر حسابه الشخصي بموقع "فيسبوك" قائلًا: "لا حول ولا قوة إلا بالله، صديقي وأخويا الكبير عشرة عمري تامر ضيائي في ذمة الله، الله يرحمك يا تامر ويجعلك من أهل الجنة ويعوضك عن تعبك في الدنيا".