نشوى مصطفى: "أبويا وأمي عطلوا مسيرتي وكانوا عاوزين يدخلوني طب"

علقت الفنانة نشوى مصطفى، على كثرة وفياة طلاب الثانوية العامة خوفًا من الرسوب، مؤكدة أن الثانوية ليست نهاية المطاف.

وقالت نشوى مصطفى، خلال مداخلة هاتفية ببرنامج “شارع شريف”، على قناة الحياة: “كتر خيركم لتعبكم بس بالراحة شوية على نفسكم وولادكم لأن الثانوية العامة مش نهاية الدنيا، ومش مجموع الثانوية أساس النجاح في الدنيا والأمور كلها بقدر الله”.

براحة على ولادنا

وتابعت: "ربنا ممكن يقدر الأفضل فالبراحة على ولادنا لأني بزعل لما ألاقي أولاد منهارين أو أهاليهم عاملين لهم رعب، وأنتم كده بتتعبوهم نفسيا ولو أي حد حصل له حاجة هنقعد نعيط جمبه".

وأشارت الفنانة نشوى مصطفى، قائلة: “الأساس في الحياة تربي ابنك على أنه لو حصل له ظرف في حياته يقف ويقوم تاني ويشد حيله لأنه هياخد درس ويتعلم”.

وأضافت: "تعبكم كأهالي في ميزان حسانتكم لكن لازم نربي ولادنا أنهم يقعوا ويقوموا أقوى، والثانوية العامة مش نهاية المطاف والمشوار كبير ومحتاج مجهود كبير".

صحاب ابني حولوا مسارهم

وأوضحت نشوى: “ابني 30 سنة معظم صحابه حولوا مسارهم لأن معظمهم كانوا خريجين هندسة، وكل ما أقابل حد أقول له عامل إيه في شغلك يقول لي لاء يا طنط أنا بقيت اشتغل كذا، كلهم دخلوا هندسة علشان المجموع أو علشان يرضوا بابا وماما”.

واختتمت حديثها: “أنا جبت 73% ومكانتش بذاكر أوي وكنت علمي علوم وأبويا وأمي كانوا عاوزين يدخلوني طب ولكن دخلت تجارة وما اشتغلتش الأربع سنين، وبعتبرهم عطلوا مسيرتي لأن مكانش هو ده اللي عاوزة أدخله”.