شعبة السيارات: "اللي مش هيشتري النهاردة هيزعل بكرة"

قال اللواء عبد السلام عبد الجواد، عضو شعبة السيارات، إن "أسعار السيارات ما زالت في تزايد مستمر بسبب توقف الاستيراد".

وأضاف عبد الجواد، خلال لقائه ببرنامج "على مسئوليتي" الذي يقدمه الإعلامي أحمد موسى على فضائية "صدى البلد"، "اللي مش هيشتري النهاردة هيزعل بكرة، احنا النهاردة وقفنا الاستيراد الشخصي، ومفيش شحن مسبق، ومفيش سيارات ذوي الهمم، ونموذج 4 اللي كانوا التجار بيستوردوا بيه كمان اتوقف".

وتابع "التاجر زمان كان له 1000 عربية، دلوقتي له 200 أو 300 بالكتير في السنة، حاليا الطلب كتير والمعروض قليل جدا، ومعروف إن السوق عرض وطلب".

وختم عبد الجواد، "حركة السوق بتزيد في شهر 7 و 8 وحاليا الاستيراد موقوف تماما، وطبيعي الأسعار تزيد جدا، والزيادة الحالية بنسبة 5% لكن لو استمر توقف الاستيراد الأسعار هتزيد بشكل جنوني يعني اللي هيشتري النهارده كسبان برغم الزيادة، خصوصا إن بعض الوكلاء وقفوا حركة البيع حتى شهر 12".