تراشق بالألفاظ بين نجم الزمالك السابق وعبدالله جورج

 اشتعل الصراع بين  نجم الزمالك السابق تامر عبد الحميد وعضو مجلس الأبيض السابق د. عبد الله جورج  بعدما أعاد  الأول  منشورا لـ أحد الصفحات المنتمية لـ نادي الزمالك عبر موقع التواصل الاجتماعي "فيس بوك"، 

 كتب تامر عبد الحميد منشورا  يقول فيه: ايه الصراعات دي في الوقت الحرج ده ؟! ... يا جماعه النادي في عنق زجاجة. بالشكل ده القادم أسود. حسين السيد كان مختفي من عشرة أيام هو ظهر فجأة ليه دلوقتي".

 وبعدها علق جورج على المنشور قائلًا: «عيب عليك ، ليرد عبدالحميد على التعليق:  العيب عليك أنت يا ابن رمز النادي وانت شايف غرامة كهرباء بتندفع بالشكل ده وساكت وقرار الانسحاب أمام الأهلي اللي خللي راسنا في التراب وساكت والمشاركة في كأس مصر، والخروج المهين وساكت وبيع قطاع الناشئين ..ومستقبل الزمالك وساكت ..وبيع الكرة النسائية وساكت وانهيار ألعاب الصالات وساكت.. العيب الحقيقي عليك وأنت مستشار المجلس وبتحضر الاجتماعات علي نفس الترابيزة هو ده العيب الحقيقي يا عبد الله».

وعاد جورج، وكتب: العيب اني أنشر أخبار غير حقيقية بغرض الإثارة.

 واختتم تامر عبدالحميد: لو نشرت لك العيب اللي بتعمله علي ترابيزة الاجتماعات يا عبد الله أنت وآخرين هيبقي موقفك وحش أوي ادام الناس.... أنا واقف بقالي عشرة شهور داعم للمجلس ده وشايف وعارف بلاوي ومابتكلمش وبقول هتتعدلوا وهتصلحوا اللي جواكم إنما اللي أنتوا بتعملوه ده فاق كل الحدود".