جراحة ناجحة لـ كريم فؤاد تجم الأهلي في ألمانيا

أكد النادي الأهلي، خلال بيان رسمي أن كريم فؤاد لاعب الفريق الأول لكرة القدم بالقلعة الحمراء، خضع لجراحة الرباط الصليبي في ألمانيا.

وقال الدكتور أحمد جاب الله طبيب الأهلي، إن كريم فواد أجرى جراحة ناجحة فى الرباط الصليبي بألمانيا، بمعرفة أحد كبار الأطباء المتخصصين.

وأضاف جاب الله أن جراحة كريم فواد، مطمئنة للغاية وسوف يحصل على راحة لعدة أيام، يبدأ بعدها العلاج الطبيعى وفقًا للبرنامج العلاجي المحدد، وسوف يعود إلى القاهرة مساء الإثنين المقبل.

وكان كريم فؤاد قد تعرض للإصابة خلال مباراة سموحة في الموسم الماضي وكشفت الفحوصات الطبية التي أجراها اللاعب في القاهرة اصابته بقطع في الرباط الصليبي.

رسالة مؤثرة من كريم فؤاد لجماهير الأهلي 

وكان كريم فؤاد وجه رسالة مؤثرة لجماهير القلعة الحمراء، بعد تأكد إصابته بقطع في الرباط الصليبي للركبة.

وكتب كريم فؤاد عبر حسابه الرسمي على موقع الصور والفيديوهات “إنستجرام”: "اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايمًا الابتلاء بييجي للشخص في الحاجة اللي هو بيحبها، ونفسه فيها، وطموحه وسعادته فيها" .

وأضاف: “وده بيكون اختبار ليك هتعمل إيه في الموقف ده؟، وإن الاختبار والبلاء ده بيكون ليه أجر كبير ورفع درجات في الجنة، وتكفير ذنوب وحاجات كتير عظيمة أوي مقابل إني أصبر على الابتلاء ده”.

وتابع :"أنا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الاختبار ده هو إنه أنا في نعمة كبيرة أوي، وإن الحمد لله ربنا رزقني باختبار سهل وهين أوي مقابل ابتلاءات ناس تانية أصعب بكتير، وكمان اختبار مش جديد عليا، بَعيده للمرة التانية في وقت قصير فهعرف اتعامل معاه بشكل كويس ويمكن أحسن".

واختتم كريم فؤاد: علشان كده بحمد ربنا إن الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدني، أنا بحمد ربنا وراضي ومؤمن جدًا إن ربنا بيحبنا نقرب منه بالعبادات اللي منها الصبر والدعاء، والحمد لله مستعد للاختبار ومتحمس، شوية وقت وهنرجع نحارب من تاني، أشوفكم على خير قريب".