والد ضحية زوجها بمدينة بدر: "فشل يقتلها بالمخدة ونجح بالملاية"

الزوجة الضحية
محمد العبساوي
حصل "تليجراف مصر" على نص التحقيقات في واقعة مقتل سيدة على يد زوجها، حيث نشبت خلافات بينهما تطورت بشكل مأساوي، حيث استخدم الزوج “ملاءة سرير” لخنق زوجته حتى لفظت أنفاسها الأخيرة في منطقة بدر، وبعد الجريمة، سلم نفسه للشرطة، وبدأت النيابة إجراءات التحقيق في الواقعة.
وجاءت أقوال والد المجني عيلها وهو يعمل غفيرًا، أمام جهات التحقيق كالآتي:
اسمي ياسر وعندي 51 سنة، وشغال غفير، واللي حصل إن بنتي “نيرة” (24 سنة)، كانت متجوزة من رمضان عبدالله، بقالهم حوالي 5 أو 6 سنين، وكانوا عايشين في المنيا، وعندهم يونس وإحسان، وشهرتها مريم، وكانت فيه مشاكل بينه وبين بنتي، لأنه ماكنش بيشتغل خالص، وكان بياخد عفش البيت يبيعه.
وأضاف والد المجني عليها: "من حوالي 3 سنين حاول يموت نيرة وخنقها، بس البنت هربت منه وجت على بيتي في التجمع الأول، ولما سألته عملت كدا ليه؟ قال لي إن هو مش هايعمل كدا تاني، وإن ربنا هداه وبدأ يصلي، وعرفت من بنتي إنه عمل كدا علشان كان عاوز يبيع الثلاجة بتاعة الشقة، ومرة ثانية حاول يموتها من حوالي سنة وكانت عندهم في البيت في البلد، وكان هيفطسها بالمخدة، وكان حاططها على وشها وأبوه اللى أنقذها".


وتابع: “من حوالي عشر شهور هو كان رامي عليها يمين الطلاق في الشارع، لأن هو كان مانعها تيجي تزورنا، ولمّا قالت له هاروح أزور أبويا وأمي، راح رامي عليها اليمين واتخانق معاها، ولمّا نيرة كانت عندي كان معاها ولادها، وإحسان بنتها تعبت وجالها التهاب رئوي وجريت بيها على المستشفيات، وبعدها بـ3 أيام جاء رمضان (المتهم) وخد البنت من الحضانة، ووداها للدكتور ورجع بالليل كان معاه روشته، وقال إنه مش معاه فلوس يجيبها، وقال لي مش مهم تجيبوها هي كدا كدا هتموت”.
وأردف: “تاني يوم وأنا رايح أصلي الفجر لاقيت البنت قاطعة النفس، روحت بيها على المستشفى، ولقيت الدكتور قال لي إنها توفيت بسبب الالتهاب الرئوي، وجه رمضان وأخد البنت وطلع بيها على المنيا، وبعدها بأسبوع جه هو وأهله علشان يرد مراته، ولما رفضنا قال لنا إنتوا اللي قتلتوا البنت وبعدها بحوالي 15 يوم اعتذر ورجعنا البنت معاه وأخد نيرة وراح عاش بيها في مدينة بدر، لأن هو كان شغال غفير هناك، ومن حوالي أسبوع قبل ما تموت كلمتها على تليفون رمضان، لأن هو مانع عنها التيلفون، وردت عليّا وقالت لي إنها كويسة”.
واختتم: “يوم الخميس 29 أغسطس 2024 لقيت أبو رمضان بيكلمني الساعة 9 بالليل، وبيقول لي رمضان قتل نيرة، ولمّا قلت له قتلها إزاي وليه؟ قال لي ماعرفش أنا قلتلك كذا مرة ما ترجعش بنتك”.


الأكثر قراءة
-
تنسيق الثانوية العامة 2025- 2026 في 8 المحافظات حتى الآن
-
تنسيق ثانوية عامة محافظة قنا 2025.. مؤشرات أولية
-
رابط الاستعلام عن نتيجة كلية تمريض جامعة القاهرة 2025
-
نتيجة الصف الثالث الإعدادي قنا بالاسم 2025.. من هنا
-
رسميًا.. تنسيق الثانوية العامة محافظة أسيوط 2025
-
أول رد من "التعليم" بشأن التلاعب في تصحيح امتحان الفيزياء للثانوية
-
تنسيق الثانوية العامة 2025 محافظة بني سويف.. كل ما تريد معرفته
-
مسابقة تعيين 14,031 معلم مساعد لغة عربية.. هذا موعد التقديم

أخبار ذات صلة
مصرع 3 مزارعين اختناقًا في غرفة صرف صحي بالفيوم
01 يوليو 2025 12:09 ص
أرملة اللواء امتياز إسحاق: عرفنا بطولاته بعد استشهاده بملحمة الواحات
30 يونيو 2025 11:44 م
السيطرة على حريق نشب في "بدروم" عقار بالهرم
30 يونيو 2025 11:32 م
والدة النقيب محمود أبو العز: فخورة بلقب أم الشهيد وابني خدم بلده بشرف
30 يونيو 2025 11:26 م
في ذكرى ثورة 30 يونيو.. اللواء مصطفى الخطيب أيقونة الفداء بكرداسة
30 يونيو 2025 09:38 م
في ذكرى 30 يونيو.. قصة الشهيد الرائد أحمد الفقي "بطل من قلب سيناء"
30 يونيو 2025 09:29 م
السيطرة على حريق نشب في محل تجاري بحارة اليهود
30 يونيو 2025 09:21 م
وداعا للأوراق.. النيابة العامة تتحول رقميا بالكامل بدءًا من هذا الموعد
30 يونيو 2025 09:13 م
أكثر الكلمات انتشاراً