نص أقوال مصور واقعة سحر مؤمن زكريا.. هكذا تم إبطال العمل (خاص)

حصل “تليجراف مصر”، على نص التحقيقات في واقعة السحر المزعوم للاعب نادي الأهلي السابق مؤمن زكريا داخل إحدي المقابر في منطقة الخليفة التابعة لمحافظة القاهرة.

وجاءت أقوال أحد المتهمين وهو مصور فيديو الواقعة كالتالي:

س: ما الذي حدث إذًا وما هي ظروف ضبطك وعرضك علينا؟

ج: اللي حصل إن تقريبًا الأربعاء اللي قبل اللي فات في مقابر عيلة مراتي أمنية في الإمام الشافعي الخليفة، روحت اجيب مراتی لقیت رمضان ابن خالها بيحفر عشان يطلع صبارة عند الترب وهو بيفحت بالخشبة لقى كيس أسود فطلعه وقال لي أفتح أصور فيديو.. دا عمل، وأنا فتحت الكاميرا بتاعت موبايلي وصورت.

 لقيت العمل عبارة عن لفتين ورق مربوطين بسلك وقماشة ورسمة العروسة عليها دبابيس وحاجات كتير ومكتوب عليها حاجات كتير وصورة كابتن مؤمن ورمضان قال لي تعالى نروح نجيب جرادل مياه عشان نبطل العمل وجاب جردل مياه وملح وجردل تاني فيه مياه قعد يقرا عليها شوية قرآن وقال لي صور فيديو وصورت فيديو وقفلت كلمنا ابتسام مرات محمد أمام و شهرته زيكا، فجات هی وزیکا وساعتها زيكا قال إنه يعرف مصطفى ابن خالة زوجةمؤمن زكريا.

كلموه وبعدين قال لي إنه هيكلم كابتن مؤمن وبعدين هيكلمه، وبعدها مصطفى جيه على المقابر، ورينا له الحاجة وبعدين قال لي إن تليفوناتهم مقفولة وأول ما نعرف نوصلهم هنوصلهم وبعدها بساعتين كلم زيكا وقال لهم إنهم في الإسكندرية وجايين بعد يومين وبعد يومين جه کابتن مؤمن ومعاه أشخاص و 2 شيوخ و الشيوخ نزلوا أبطلوا العمل و قرأوا قرآن وبعد كدا كابتن مؤمن مشي ورمضان عرف اللي حصل لواحد صاحبه اسمه مودي، ومودي دا كلم صحفي وسجل لرمضان و مقالوش إنه صحفي و قال له إنه أخو مودي، و عرف اللي حصل و نشر من ورا رمضان ويوم السبت الساعة 7 بالليل لقيت رمضان بيكلمني و بيقولي إن أحمد بيه الكردي عايزني عند بيته و روحنا لريهام سعيد الساعة 10 بالليل في الإنتاج الإعلامي و بعد كدا روحنا القسم و دا اللي حصل.

أقوال مؤمن زكريا

من جانبه كشف مؤمن زكريا، في أقواله أمام جهات التحقيق تفاصيل زيارته لمقابر الإمام الشافعي.
 وقال زكريا، إنه توجه إلى المقابر؛ بناءً على اتصال من صديق (ابن خالة زوجته)، حيث التقى "تربي" وزوجته ونجله، واثنين آخرين، مصطحبًا معه (شيخان) ليتعرفا على الأمر.

وأوضح زكريا، أنه في أثناء ذلك قرأ (الشيخان) القرآن الكريم على الورق الذي استخرجه "التربي" من المكان.

وأضاف زكريا، خلال التحقيقات: أنه رفض طلب (الشيخين) بعقد جلستين إضافيتين لقراءة القرآن، مطالبًا بالاكتفاء بما تم في ذلك اليوم ومن ثم الرحيل، راضيًا بقضاء الله وقدره.

وطلب زكريا، من التربي والموجودين معه، عدم التحدث عن الأمر حتى لا يتسرب إلى وسائل الإعلام.

وأشار زكريا، إلى أنه تفاجأ بعد يومين بانتشار الخبر في وسائل الإعلام ومواقع التواصل الاجتماعي، ووجود فيديو وصور له مع التربي وأقاربه رغم تحذيره لهم من الحديث عن الأمر.

وأوضح أنه حرر محضرًا ضد التربي وأقاربه بقسم الشرطة وحمل رقم 6904 جنح الخليفة، بسبب تصويره دون علمه والتشهير به.

وعبّر عن استغرابه من سعيهم للبحث عن الشهرة عبر فبركة الفيديو، حيث انتشر الموضوع بشكل غير متوقع.