"الدنيا فانية".. جوري بكر توجه رسالة لكل ظالم

وجهت الفنانة جوري بكر رسالة لكل من يتسبب في إيذاء الآخرين، سواء عن قصد أو دون قصد، مشيرة إلى أن رسالتها تأتي في ظل تزايد الحوادث وانتشار أخبار الموت بشكل ملحوظ في الآونة الأخيرة.

نشرت جوري بكر مقطع فيديو عبر خاصية "الستوري" على حسابها الرسمي في إنستجرام، قالت فيه: "حابة أوجه رسالة لكل الناس اللي عايشة كأنها ضامنة الدنيا ومأمنلها، واللي شايفة نفسها إنها هتعيش 100 سنة وتظلم في خلق الله".

ياريت كلنا نتعظ

أضافت: "بقول لهم ياريت نتعظ، وبقول لنفسي نفس الكلام، لكن بجد ياريت كلنا نتعظ لأن الموت بقى كتير جدًا في الفترة الأخيرة، والناس بتموت فجأة وبدون مقدمات".

رسالة لكل الأشخاص الظالمة

وتابعت: "لما بنموت، محدش فينا بياخد معاه فلوس ولا ملابس ولا ماركات، اللي بيبقى هو السيرة الطيبة، وهي أغلى حاجة ممكن الإنسان يتركها"، مشيره إلى أن الفيديو الذي نشرته يحمل رسالة لكل الأشخاص الذين يظلمون غيرهم.

ربنا كريم وبيعوض في كل حاجة

وأكملت جوري بكر حديثها: "خصوصًا في مجال العمل، لكن ربنا كريم وبيعوض في كل حاجة، والناس المؤذية لازم تعرف إن الدنيا فانية وما ينفعش تظلم حد يخلي الناس تدعي عليك".

مواقف خلتني أفوق وأفكر

واختتمت جوري بقولها: "عملت الفيديو ده لأني بشوف ناس بتموت في غمضة عين، والمواقف دي خلتني أفوق وأفكر بجد، خصوصًا بعد حادثة تعرضت لها بالعربية أنا وابني بسبب الضغط النفسي. يمكن حد يسمع الفيديو ويفوق زي ما أنا فوقت. إحنا كلنا لازم نساعد بعض".