المتهم الثاني بقضية مقتل مينا موسى: "مكنتش عارف إن الموضوع هيكبر"

حصل “تليجراف مصر”، على نص التحقيقات الخاصة بالمتهم الثاني في واقعة مقتل ممرض المنيا مينا موسى، داخل شقة رجل مسن في منطقة الزاوية الحمراء بالقاهرة.

وجاءت أقوال المتهم الثاني الذي يعمل عاملًا في مطعم أسماك على النحو التالي:

س: ما اسمك؟ وما طبيعة علاقتك بالمجني عليه؟

ج: أنا اسمي مصطفى وعندي 35 سنة وبشتغل عامل في مطعم ومعرفش مينا إلا عن طريق إبراهيم صاحبي كلمني وقالي أنه معاه مصلحة كويسة وأننا هنخطف شاب ونطلب فدية وناخد قرشين حلوين ونسيبه بعدها ومكنتش عارف أن الموضوع هيكبر كدا.

س: هل قمت باختطاف المجني عليه وكيف فعلت ذلك؟

ج: أنا مخطفتوش إحنا اتفقنا معاه هنقابله في الزاوية الحمراء، ولما جيه طلعنا بيه الشقة ومكنتش أعرف شكله ولا تواصلت معاه.. إبراهيم هو اللي كان بيكلمه طول الوقت وبيتابع معاه.

س: هل قمت بطلب فدية من أسرة المجني عليه ووالده؟

ج: أنا اتصلت بوالده وطلبت منه فلوس زي ما إبراهيم طلب مني وقولت لهم عايزين 120 ألف جنيه وبعدها إبراهيم طلب مني أنزل أجيب إيصالات أمانة نمضي مينا عليها دا كل اللي حصل.

واستكمل المتهم الثاني اعترافاته قائلا: لما نزلت مافيش 10 دقائق وإبراهيم كلمني قالي أنه مينا حاول يهرب فضربه على راسه ومات فكرت أهرب ولكن بعدها قولت هرجع وأكيد مينا مغمي عليه بس لما رجعت اكتشفنا أنه مات فعلا فخدناه على الحمام وقطعنا جثته وحطيناها في شنط كتير وبقينا نرميها في مقالب الزبالة وترعة الإسماعيلية وللكلاب في الشارع ورجعنا نضفنا البيت وهربنا، وحاولنا ناخد الفلوس بأي شكل من أبوه عن طريق أننا بنبعت له تسجيلات صوتية تأكدله أنه عايش عشان يدينا فلوسنا.