أحمد بلال عن وفاة نجله:"صعب إنك تشوف الحدث ده بعنيك"

أكد أحمد بلال نجم النادي الأهلي السابق والكرة المصرية، أن أصعب موقف تعرض له في حياته، هو وفاة نجله "ياسين" وهو بعمر الثلاث سنوات، في مايو 2012.

وقال بلال خلال "بودكاست" مع رئيس تحرير "تليجراف مصر"، سامي عبد الراضي، إن وفاة ياسين نجله من أصعب الأمور التي تعرض لها في حياته، خاصة وأنه كان الأصغر بين أبنائه، وكان مرتبطًا به كثيرًا.

وأضاف بلال :" كنا عاملين حوالين البسين حواجز.. وفي الوقت ده كنا قاعدين بناكل.. هو كان بياخد أكل ويتنطط جنبنا.. أنا اتنفضت كده بعد 10 دقايق فين ياسين .. وقعدنا ندور عليه 10 دقايق ربع ساعة بندور ملقتهوش.. فأمه جريت على البسين لقيته.. أخدته بسرعة وجريت على المستشفى بس ملحقنهوش".

وتابع:" الموضوع بياخد منك حاجات كتيرة جدًا.. في حكمة بتقُلك في بعض المواقف بتعدي عليك كتير متخدش بالك إنها خدت منك.. بس فيما بعد بتحس بيها خدت من طاقتك ومن حياتك من قدراتك العقلية والذهنية".

وواصل: "أبويا توفى وكنت مقهور، وقُلت قضاء الله وكبير في السن.. لكن إن يكون ابنك وقدام عنيك وصغير وحتة منك.. صعب إنك تشوف الحدث ده بعنيك.. دي كانت أقصى حاجة يعني تعرضت ليها".