ياسمين عز للفتيات: "سيبي الراجل ينام عشان عنده شغل الصبح"

وجهت الإعلامية ياسمين عز، بعض النصائح للفتاة بشأن التعامل مع خطيبها، مشددة على ضرورة أن تتركه وقت النوم ليستريح من مشقة العمل طوال اليوم.

سيبيه ينام

وقالت ياسمين عز خلال برنامج "كلام الناس"، المذاع عبر قناة mbc مصر: "لما تكلمي خطيبك بالليل ويقولك اقفلي أنا عايز أنام دلوقتي يبقى تقفلي على طول، مفيش حاجة اسمها أنت هتنام وتسيبني؟، يسيبك فين هو أنتي تايهة في الشارع؟، سيبيه ينام الراجل عنده شغل الصبح".

الراجل الحنين والسند

وأضافت: "أغلى ما يمكن أن تشتريه للمرأة هو خاطرها، الست مستحيل تبيع الراجل اللي اشترى خاطرها، الراجل الحنين والسند واللي مش بيسيبها الدنيا تيجي عليها".

المال لا يمكن أن يشترى قلبا

وتابعت، أن المال لا يمكن أن يشترى قلبا، ولكن الأمان والحنية، الثمن لشراء القلوب، ومازحت الفتيات قائلة: "اختاري الراجل اللي أول ما تشوفيه تقولي هو ده اللي هيدفعلي النفققة في معادها". 

ياسمين تنفي تصريحات مفبركة

ردت الإعلامية ياسمين عز، على تصريحات نسبت إليها بشأن الحرب الدائرة في لبنان، وإبداء سعادة بها، كونها ستكون سببا في هجرة الكثير من  اللبنانيات إلى مصر.

وقالت عز في تصريحات من خلال برنامجها “كلام الناس”، “قررت أطلع أنفي هذه التصريحات المفبركة، لأنه بيمس شعب غالي على قلوبنا”.

هزار سخيف على شعب بيعاني

أضاف المذيعة، "عيب تهزروا هزار سخيف على شعب بيعاني مش وقت تريندات سخيفة خالص على حساب أرواح ناس بتموت، مش وقته تطلع تصريح مفبرك وكلام ملوش لازمة، وإحنا كمصريين تميزنا بالأخلاق وبيوتنا مفتوحة لكل الناس".

تابعت، "أكيد وحشتكم ووحشكم نصايحي من العصر الحجري، ولكن الحقيقة إن كل فترة ينزل صورة عليها كلام منسوب لي عشان يجيب ريتش والناس تفبرك تصريحات على لساني، والمرة دي كان لازم أرد إحنا إجازة وبنحضر للموسم الجديد".