هبة تطلب الخلع: خايفة أحمل مجبش ولد ويقتلني أنا وبناتي

أقامت "هبة" دعوى خلع ضد زوجها أمام محكمة الأسرة بالتجمع، مُطالبة فيها بالتفريق بينها وبين زوجها لاستحالة المعيشة؛ لطلبه منها إنجاب ولد بالرغم من أنه أب لـ3 أطفال.

وقالت "هبة"، البالغة من العمر 41 سنة، في الدعوى التي تحمل رقم 1712 لسنة 2023، إن زوجها أخلاقه طيبة، وذلك ما كان يظهره لها، ولكن بدا منه غير ذلك بعد نشوب الخلافات بينهما.

 دعوى خلع

وتابعت "من أول يوم جواز وهو شخص مثالي جدا ودا يبان لأي حد بيتعامل معاه.. ولكن بعد أول طفل خاصة أنها بنت اتغيرت ملامحه، ومبقاش بيجي البيت غير متأخر ومكنتش حتى بيشيلها لحد ما حاول يتقبل الموضوع.. اكتشفت إنه كان نفسه في ولد يشيل اسمه".

وأضافت أن زوجها لم يتعدَ عليها نهائيًا قبل ذلك، ولكن عندما علم بحملها في طفلة غضب وانفعل، ومن ثم قام بالتعدي عليها بالضرب قاصدًا إجهاضها "كان عايز يسقطني لأنه مكنش مستوعب أني أبقي حامل في بنت وعايز ولد وعشان كدا طلب مني أحمل تاني".

واستكملت "حياتي بقت جحيم من بعد ما خلفت ومعرفتش أفرح حتى.. وقررت أحمل تاني عشان أرضيه، ولكن حملت مرة واتنين وتلاتة وكل مرة بخلف بنت وفي كل مرة بأخد علقة".

وتابعت "أما جيت أقوله أني مش هحمل تاني، أنا مش لعبة في إيديك قالي هقتلك، أنتي وعيالك لحد ما تجبيلي الولد.. ومن يومها وأنا خايفة وباخد أدوية تمنع الحمل".

وأضافت "كنت خايفة أحمل وتطلع بنت برضه ويقتلنا.. محدش من أهله قادر عليه ومحدش واقف جنبي وعايزه حقي".

واختتمت الزوجة في دعواها "الموضوع بالنسبة لي بقي صعب ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".