شلل في المعدة.. هند عبدالحليم تكشف تعرضها لأزمة صحية (فيديو)

كشفت الفنانة هند عبدالحليم، معاناتها الفترة الماضية عن إصابتها بشلل في المعدة بسبب حقن التخسيس.

وقالت هند عبدالحليم في مقطع فيديو عبر “إنستجرام”: "أول حاجة عايزة أشكر كل الناس اللي كانت بتسأل عليا سواء بعتتلي أو كلمتني أو كانت بتحاول تكلمني وتوصلي وبعتذر جدا لو مكنتش قادرة إني أرد بسبب التعب اللي كنت فيه وشكرا لكل حد دعالي ولكل حد زارني شكرا جدا جدا أنا الحمد لله دلوقتي أحسن وبتحسن".

وتابعت هند عبدالحليم: "تاني حاجة عايزة أقولها يمكن أقدر أفيد أي حد اللي حصلي ده بسبب حقن التخسيس مطولتش فيها خالص أخدت شهر وأسبوع تقريبا تعبت جدا ودخلت المستشفى وحصلي شلل مؤقت في المعدة أدى إلى إني مكنتش عارفة أكل ولا أشرب وألم رهيب وكنت قاعدة على المحاليل، نصيحتي لو أي حد عايز يعمل كده لازم تتابعوا مع دكاترة وتعملوا التحاليل اللازمة عشان تشوفوا لو جسمكم هيسحتمل ويبقى قابل لده أو لأ، بس كده". 

أحدث أعمال هند عبدالحليم

يذكر أن هند عبدالحليم شاركت في رمضان 2024 بمسلسل "أعلى نسبة مشاهدة" الذي تكون من 16 حلقة وعرض في النصف الأول من الشهر الكريم عبر قنوات mbc ومنصة شاهد.

مسلسل "أعلى نسبة مشاهدة" بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.