زوجة رامي صبري تقصف ويجز بسلاحه: "أنت مش على الخريطة"

عبرت شيري عادل، زوجة رامي صبري، عن استيائها من تصريحات الرابر ويجز عن زوجها.

وقالت شيري عادل عبر حسابها الرسمي على موقع “إنستجرام”: “مش هسكت لأي حد يفكر يتكلم عن رامي بطريقة مش عجباني، ورامي يا حضرت فنان من أهم الفنانين في الوطن العربي، ولو شايف رامي رقم 15 يبقى أنت مش موجود على الخريطة”.

ابعد عن اسم رامي صبري

وتابعت شيري عادل: "أغنية من رامي صبري تعمل تاريخ لناس، محتاج تذاكر كويس قبل ما تعرف بتتكلم على مين لأن واضح عندك شغل تاني غير المزيكا، ولما تحب تعمل دعاية لأغنيتك ابعد عن اسم رامي صبري لأن عارفة اسمه ممكن يخلي الأغنية ترن. بس حاول الأغنية بتاعتك الجديدة تعتمد فيها على نفسك".

 رامي صبري وويجز.. ما القصة؟

أعرب الفنان رامي صبري خلال استضافته في برنامج “حبر سري”، عن رأيه في فن المهرجانات والراب، حيث أوضح أنه لا يفضل غناء المهرجانات بالرغم من اعترافه بشعبيتها بين الجمهور، قائلاً: "المهرجان دا مش بيتغنا، حلو والناس بتحبه، لكن مش اللون اللي ممكن أغنيه".

وأضاف صبري خلال اللقاء أنه يعتبر الراب أقرب إلى ذائقته الموسيقية، مضيفا في الوقت نفسه أن المهرجانات هي موسيقى شعبية بلغة مختلفة على عكس التي يستخدمها.

ويجز يرد على رامي صبري: "أنت بعيد أوي يا رامي"

وأثارت تصريحات الفنان رامي صبري استياء الرابر ويجز، وعبر عن غضبه عبر خاصية "ستوري" على حسابه على موقع “إنستجرام”، متهمًا صبري بعدم فهمه غناء الراب.

ويجز لـ رامي صبري “أنت رقم 19”

وقال ويجز في الفيديو  "رامي صبري كل ما يزهق يخرج يطلع يتكلم على مغنين الراب في التليفزيون، وأنت رقم 19 يا رامي، وأنت بعيد أوي".