"ليا بيتين في الجنة".. سالي عبدالسلام تعلن إجهاض توأمها

تعرضت الإعلامية سالي عبدالسلام، لحادث مفجع، حيث فقدت جنينيها التوأم.

وكتبت الإعلامية سالي عبدالسلام، عبر حسباها الرسمي على “فيسبوك”: “قدر الله وما شاء فعل. من كام يوم فقدت التوأم اللي كنت بحلم بيهم بعد سنتين من الصبر والدعاء”. 

وأضافت "كنت بتمنى إنهم ييجوا من عند ربنا بدون تدخل طبي، لكن الحمد لله على نعمة الأخذ بعد العطاء".

سالي عبدالسلام: مش عايزة أخلف خوفا على جسمي أو شغلي

وتابعت سالي عبدالسلام: “الناس اللي قالوا إني مش عايزة أخلف خوفا على جسمي أو شغلي، ما يعرفوش حاجة. الضغط اللي بيتحط على الست من أقرب الناس ليها بيكون مؤلم وغير مبرر، مفيش حد من حقه يحط حد قدامه وكأنه هدف لازم يحققه”.

سالي عبدالسلام: الإنجاب مش إنجاز 

وأكملت سالي عبدالسلام: "بلاش الخوف من الحسد أو العين يمنعكوا تقولوا الحقيقة، أنا ما قلتش إني حامل وبرضه محصلش حاجة، الإنجاب مش إنجاز لوحده، الست الجدعة بتتحمل مسؤوليات كتير لوحدها، ولما تقع محدش بيشيل معاها، بل بيتهموها إنها السبب في كل حاجة حتى لو محدش ساعدها من البداية".

سالي عبدالسلام: ليا بيتين في الجنة

اختتمت سالي رسالتها قائلة: "كل اللي كتبته بيني وبينكم الله، ادعوا لي بالثبات، أنا راضية، لكن الألم صعب، الحمد لله على كل حال، اخترت الآخرة، وليا بيتين في الجنة".

حفل زفاف سالي عبدالسلام

جدير بالذكر أن سالي عبدالسلام احتفلت بزفافها في أكتوبر 2022، وسط حضور كبير من المشاهير، حيث تألقت بإطلالتين من تصميم المصمم العالمي نيكولا جبران.