حسام حبيب يعلق على منتقدي شيرين: الناس دايمًا عندهم نظرية المؤامرة

استكمل الفنان حسام حبيب تعليقاته على الانتقادات الموجهة إلى طليقته الفنانة شيرين عبدالوهاب، بعد تعرضها لموقف محرج خلال حفلها الغنائي الأخير بدولة الكويت.

حبيب كان قد انتقد تصريحات طاهر رحيم شقيق الراحل محمد رحيم، لقناة العربية، والتي قال فيها أن ما قالته الفنانة شيرين لا يعكس تقديرها للملحن الراحل والذي ساهم بألحانه بمسيرتها الفنية.

الحق منتفع

وتابع طليق الفنانة شيرين تعليقاته على تصريحات شقيق رحيم من خلال منشور على حسابه الرسمي بمنصة “إنستجرام” حيث قال: "عايز أقول للناس اللي شبه الأخ ده ودايمًا يفترضوا سوء النية وعندهم نظرية المؤامرة، إن اللي يقول الحق يبقى منتفع".

بختار السكوت في اللي يخصني

وأضاف: “ أنا مش بدافع عن حد أنا حتى عمري ما دافعت عن نفسي، مع إني أقدر أعمل كدا، بس أنا بختار السكوت في اللي يخصني وبتوكل على الله، أنا بدافع عن الحق من وجهة نظري، واللي مش عاجبه عارف يروح يشرب من فين”.

حسام حبيب

وكان طليق الفنانة قد رد على شقيق محمد رحيم من خلال منشور على حسابه الرسمي على “إنستجرام”، قال فيه: "بجد هو في أخ كده بيقولك إحنا من عاداتنا في الظروف دي ما نتفرجش على حاجة وهو داير على كل البرامج، حاجة غريبة، وهو سايب كل ده، وماسك في زلة لسان، ماخدش باله أنها كرمته، وافتخرت بشغله معاها، وطلبت من الناس الحضور قراءة الفاتحة والدعاء له، وكلنا عملنا كده علشان هي فكرتنا، يا راجل ده أنت ماسك في غلطة مش مقصودة، واعتذرت عنها في وقتها".

وتابع: "عايز اسألك سؤال: هو حضرتك طلعت في كام برنامج وكام مداخلة من ساعة الوفاة؟ وهل كانت بقى مدفوعة الأجر ولا بدون؟ وآخر طلب ممكن نشوف شهادة الدكتوراه.. ولو حضرتك مش عاوز تجاوب أنت أكيد حر، وفي حالة عدم الجواب، أكيد الكل هيفهم".

شيرين عبد الوهاب

وأحيت شيرين حفلا في الكويت الجمعة المضية، وقبل البدء في الغناء، قدمت تكريما لاسم الملحن الراحل محمد رحيم، الذي توفي مؤخرًا، خصوصا أنها غنت له الكثير من الألحان.

سيئة جارية!

وبينما تقف شيرين على خشبة المسرح، وجهت كلمة لتكريم اسم الملحن عقب حوالي أسبوع من رحيله، ووقعت خلالها بخطأ فادح، حين قالت: "محمد رحيم أخويا ماتّ فجأة، هو عمل لي أغاني حلوة كتير، يلا كلنا نقرأ الفاتحة له عشان تبقى سيئة جارية، الله ده أنا قلت سيئة، مش قلت لكم  يا جماعة أنا معرفش أتكلم أسكت أحسن".