كزبرة بعد خلافه مع رمضان: "في ناس لما نجحت بقى عندهم نقص ونرجسية"

كزبرة

ميرونا سامي

A . .A

عبر مؤدي المهرجانات “كزبرة” عن حزنه الشديد في منشور غامض، بعد أزمة الحرب الكلام الكلامية مع الفنان محمد رمضان التي نشبت بينهما عقب عرض فيلمه الجديد “الحريفة 2” .

وقال كزبرة عبر حسابه الرسمي بموقع “إنستجرام” من خلال خاصية “ستوري”: "والله يا جماعة الكلام دا نفسي أقوله من بدري.. مش عارف لية كل لما أنجح في ناس بتحاول تطلع صورتي وحشة.. أنا بجد نفسيًا مبقتش قادر وبقالي فترة كبيرة كل لما أعمل حاجة حلوة مبقتش عارف أتبسط بيها ونفسيًا مش أحسن حاجة وربنا اللي عالم".

خلاف كزبرة مع محمد رمضان

وأضاف: "الواحد كل اللي يهمه إنه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية على إنه تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا إزاي تطلعوا فيه عيب قدام جمهوره وإخواته اللي بيحبوه".

النقص بعد النجاح

وتابع: “بيتنسبلي كلام ما قولتهوش أو يتقلل مني بحاجات قديمة عملتها وأحيانًٍا بتوصل للتريقة علي اسمي بمجرد ما بعمل حاجة حلوة وتعجبهم.. أنا مش عارف ليه وده السبب اللي بيخلي إنسان طيب أول ما ينجح يتحول لإنسان عنده نقص وعنده حرب مع كل اللي حواليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع، فأنا يا جماعة مش عايز أوصل للمرحلة دي أنا عايز أكون إنسان طيب وفي حالي".

كزبرة يوجة الشكر لداعميه

واختتم كزبرة حديثه قائلًا: "شكرًا لكل واحد بيدعمني من قلبه أو أي حد بيحب اللي بقدمه أو بينتقده بأسلوب كويس".

خلاف محمد رمضان وكزبرة

ونشبت حرب كلامية مؤخرًا بين محمد رمضان وكزبرة، بعدما سُؤل كزبرة عن سبب خلافه مع محمد رمضان خلال وجوده في العرض الخاص لـ فيلم “الحريفة 2”، ليرد كزبرة بأغنيته “حبيبي لو زعلان البحر هناك مليان، أنا مليش في المواضيع دي”، وبهذا يكون تصاعد الخلافات بينهما.

ورد محمد رمضان بسخرية حول حقيقة خلافه مع مغني المهرجات “كزبرة”، أثناء تواجده في منتدى السينما والتغير المناخي، أمس بسينما راديو بوسط البلد، قائلًا: “إحنا مش في محل عطارة هنا”.

يذكر أن محمد رمضان يواصل استعداده في الوقت الراهن لتصوير فيلمه الجديد "أسد"، والذي يترقب الجمهور عرضه في دور العرض السينمائية قريبًا.